2018年3月1日 星期四

[歪妹愛生活] *~不正媽選擇學習杯的心路歷程~*

Hello!不正妹好一段時間無分享啦!今次想同大家分享下小朋友用嘅學習杯!打從一歲返健康院打針做評估時,姑娘已經提醒我BabyGaga應該要戒奶樽,建議我地要轉用學習杯,俾佢學習坐係度飲水飲奶。經過呢半年嘅使用心得,今天跟大家分享一下吧!


  
其實呢半年大大話話都用過4-5款嘅學習杯,最後終於搵到一款佢最啱用嘅!初時我選擇學習杯,會因應自已喜愛嘅顏色及圖案去購買,但總是會遇上一些情況,不能再讓BabyGaga繼續使用:
1)     開關設計是為開揭式開嘅學習杯,出牙仔時常牙痕,會成日咬個蓋面,學習杯變咗當牙膠使用,失去學習吸吮嘅功能,呢類型學習杯較適合已經學識吸吮同離開發牙痕時期嘅BB使用。
2)     為避開咬蓋面嘅情況,之後我選擇咗開關為推蓋式嘅學習杯,但發現有漏水嘅情況,雖說BB們會坐係到飲用,但有時都難免佢地會訓係到,所以呢點都幾非常重要,大家要留意一下。
3)     最後就係手感問題,呢個真係好個人,要睇下你嘅BB同隻杯夾唔夾,有啲BB鐘意短柄,有啲BB鐘意長柄;有啲BB鐘意樽身圓,有啲BB鐘意樽身扁啲;有啲BB鐘意飲管軟身,有啲BB鐘意飲管硬身;有啲BB鐘意高杯身,有啲BB鐘意矮杯身……等等。



BabyGaga最終用得最耐就係呢隻學習杯,佢寫明可以盛載水同牛奶,呢點大家購入時都要留意一下,有啲學習杯只能放水,唔放得牛奶果汁。開關係推蓋式嘅設計,避免BabyGaga咬蓋面嘅情況。據我觀察,呢隻學習杯無漏水情況,唯一唔好就係開關位比較緊,要BabyGaga自已開黎飲水有點困難,要大人輔助下佢。而握柄有防滑功能,小朋友細小嘅手指能夠輕易緊握好學習杯。



最想讚下佢條吸管,吸管比較粗身及硬身,BabyGaga發牙痕時都可以用黎咬下抒緩下。而且發現吸管控制水流唔錯,BabyGaga如果吸左啲水係飲管內,唔會倒流返入杯內,吸吮時要比較用力,哽到的情況亦相對減少。最重要係可以誘發到BabyGaga自已用力去吸吮,用左呢隻杯後佢飲野叻左。



呢隻學習杯顏色鮮豔比較容易吸引到小朋友目光,願意拿上手係第一步吧!感覺它外形似恐龍,幾得意呢!而且清洗都好方便,拆開來就只有4個部份,可以用肥皂水清洗或放入洗碗機內清洗,然後用蒸氣清毒機消毒,但有加熱功能嘅消毒櫃就唔得啦。



另外仲有一個優點,就係跌極都唔爛,你知道小朋友幾咁鐘意丟野落地,唔小心又跌,發脾氣又丟,呢隻學習杯跌咗無數咁多次,但都只係跌到個蓋甩左出黎!杯身絲毫無損,唔知係我地好彩定真係咁堅固!:P



如果你地想搵一隻耐用,又能夠成功令小朋友自發性學習吸吮嘅學習杯,相信呢隻學習杯幫到大家忙。




不正妹  Email: primayy.blogger@gmail.com
不正妹 Facebook :
 https://www.facebook.com/BloggerPriMaK
不正妹 IG : http://instagram.com/primayy
不正妹 YouTube : https://www.youtube.com/user/PriMayyBlog
不正妹愛犬 Facebook - 紳士魔※MoagUs : https://www.facebook.com/gentlemoagus


沒有留言:

張貼留言

熱門文章