[歪妹愛尋食] ＊~金泰園。屋村誠意泰菜~＊

放假前夕放婆婆一天假，帶BabyGaga同婆婆出外吃飯！
近近地係返青衣食，見到新開左間泰國菜，婆婆至愛泰國菜，一於黎會一會佢先！
就係長發商場五樓，以前全層酒樓，以家領匯接手後，
拆開左做幾間餐廳，確實多左好多選擇。

我地費時諗所以直接叫個四人餐，價錢中規中矩可以接受。

小食拼盤有蝦餅，魚餅及春卷，蝦餅夠哂彈牙，魚餅咸左少少，春卷勁多料！

豆腐海鮮湯夠哂清甜，小朋友都飲得！特別在啲豆腐竟然係日式豆腐！
裡面仲要勁多料，可以當埋餸黎食，都幾飽下！

咖哩大肉蟹真係意想不到咁多肉呀！一食落去覺得抵返哂！
呢個真係推介，勁好味啊～～～
我地仲配埋個蒜茸包一齊食，呢個組合無得輸啊！
記要熱辣辣即時放入口食！夠哂脆口軟熟！

每次食泰菜都必吃海南雞，呢間都唔錯啊！夠哂滑身，小朋友食都無問題！
半隻份量都幾多喎～～～

馬拉盞炒雜菜勁大碟，好多菜款，而且唔算大辣，可以接受的程度。
我成晚食得最多的一碟。

菠蘿炒飯係我至愛，呢度炒得唔錯，夠哂乾身，
如果提子乾臘腸同埋肉鬆再俾多Ｄ就更好啦！

最後是甜品環節，不得不讚這個，完全唔HEA！
睇圖就知，勁多料，唔係只係用粉做出黎架！

總括來說，好滿意的一餐，食得好飽！
近屋企可以隔一排又黎食過啦！呵～～

金泰園
   
網址: https://s.openrice.com/QrbS0G4y4W0
地址: 青衣擔桿山路6號長發廣場5樓501B鋪
電話: 31880048

不正妹  Email: primayy.blogger@gmail.com
不正妹 Facebook : https://www.facebook.com/BloggerPriMaK
不正妹 IG : http://instagram.com/primayy
不正妹 YouTube : https://www.youtube.com/user/PriMayyBlog
不正妹愛犬 Facebook - 紳士魔※MoagUs : https://www.facebook.com/gentlemoagu

[歪妹愛尋食] ＊~Mee...lemonglass 龍蝦喇沙 勁多蝦膏~＊

平日放工近近地過左去KCC@life嘅Mee...lemonglass度尋食，
Lunch都試過黎呢度食，限時45分鐘，好趕頭趕命feel，
難得準時收工又無屋企飯食，就跟同事黎會一會佢碗＂龍蝦喇沙＂。

一直好想試，果然同相片一樣，超大隻龍蝦，
啲肉仲好多好鮮甜，最估唔到佢啲蝦膏一樣咁多，
HK$88個人覺得幾抵食!
值得一提佢地煮嘅喇沙確實係香港黎講算幾正宗同埋好味，
椰香甜味濃郁，辣度唔算強，人人都接受得來。

酸辣鳯爪沙律，鳯爪夠哂彈牙，補充下骨膠原。
我唔覺得勁辣，反而愈食愈上癮。
洋蔥勁正！食到停唔到口！

想食下菜，再黎多個咖哩雜菜，椰汁味濃，好多薯仔超飽！

不過美中不足係薄餅已售罄，勁想食無得食！

又有藉口下次再黎食過！:P

Mee...lemonglass

地址 :葵涌葵昌路72-76號活@KCC8樓801號舖

電話: 26546328
https://www.openrice.com/zh/hongkong/r-mee-lemongrass-%E8%91%B5%E6%B6%8C-%E6%B3%B0%E5%9C%8B%E8%8F%9C-%E5%92%96%E5%96%B1-r588132

[Event] ＊~She.com x 鋒味中秋Tasting Event #我們這一家不是追星喔~＊

上星期六成家總動員出動！參加She.com x 鋒味舉辦嘅中秋Tasting Event！
生完小朋友好少出席活動，今次家庭樂之餘，

仲可以同一眾Blogger朋友仔久別重逢聚下！超開心呢！

一到埗先同紙版霆鋒黎張合照先！好CHOK! 哈哈......

鋒味2018年隆重推出「鋒味．盈月禮盒」，
內含「鋒味巴馬火腿蓮蓉月餅」4件 及 鋒味月曲奇(牛油味) 2件，
此款由謝霆鋒研發嘅「鋒味巴馬火腿蓮蓉月餅」
融合了被譽為「意大利玫瑰」的上等巴馬火腿，
配以優質湖南湘蓮精心製成的清香白蓮蓉，
採用精選頂級鹹蛋黃烘焙，層次豐富，甘香味濃。

呢個中西合壁嘅月餅係幾特別嘅，Parma ham夠唒軟熟，估唔到同蓮蓉放在一起咁match!
月餅切開後每一口都能吃到鹹蛋黃、蓮蓉及火腿。擺脱左傳統月餅那種油膩感！

「鋒味月曲奇(牛油味)」鬆脆曲奇外殻香滑濃郁，
內餡配上鹹香粒粒蛋黃及清香蓮蓉烘焙，口感鬆脆，
以革新、反傳統的方式，將月餅與曲奇的特點混合，
入口鬆脆，每啖有層次感。
鋒味．盈月禮盒標準價 $328優惠價 $278 (由‪8月21日至9月24日止‬)

同場還品嚐了茶老七即場泡的香茶，
當天試了紫絹紅茶，銀花香同蜜蘭香，
我就比較喜愛後者嘅蜜蘭香，清香之餘，
亦能減少月餅的油膩感。
跟茶道師一起喝茶一路傾談，明白他們茶種理念，
大概慢活，放下節奏就是都市人要學習的生活態度吧！

TEA-7th茶老七 x Mickco Chan 昔歸雲南古樹普洱生茶禮盒
HK$480/盒 共四款設計
著名插畫師Mickco為TEA-7th茶老七設計了4款糅合中式元素與時尚風格的禮盒，筆下4款獨特設計圍繞品茗為主題，讓都市人能感受品茗的樂趣，認識慢活、享樂、偷閒、歡聚的生活態度。

最驚喜一定是最後一環吧! CHEF NIC竟然親自到場介紹新推出嘅月餅!
即時場面有點失控! XD ....
#我們這一家沒有追星 #但我不否認少女時嘅自已好鐘意謝霆鋒
我真係覺得霆鋒好有HEART! 可以令自家品牌做得有聲有色! 好欣賞佢呢!
大家如想了解多D"鋒味"產品，可以到以下網址架！
希望你地鐘意我地今次嘅分享～下次見啦！
官方網頁：http://www.chef-nic.com/Facebook專頁：https://www.facebook.com/chef.nicnic/

不正妹  Email: primayy.blogger@gmail.com
不正妹 Facebook : https://www.facebook.com/BloggerPriMaK
不正妹 IG : http://instagram.com/primayy
不正妹 YouTube : https://www.youtube.com/user/PriMayyBlog
不正妹愛犬 Facebook - 紳士魔※MoagUs : https://www.facebook.com/gentlemoagu

[歪妹愛尋食] ＊~The Story。充滿海洋味嘅鐵板餐~＊

母親節剛過去，延續Holiday Mood，繼續放媽媽假！
一於出街食飯，等媽媽煮少日飯抖返下！

近近地去青衣城尋食，我地選擇左裝修充滿住海洋色彩嘅CAFE-THE STORY!
之前剛開業，跟Cherry契媽來過吃TEA，野食都幾多選擇，晚餐就第一次試啦！

原來近期換左MENU，新推出了鐵板系列，
我地當然試下新野啦！
叫左兩個鐵板餐，包湯，餐前麵包同埋飲品。

麵包熱辣辣，好軟熟！忌廉湯就普普通通。

跟餐叫嘅凍咖啡，自已落糖水同奶，自已口味自已調較。

我就叫左呢杯 "清丘"，其實即係日式嘅綠茶紅豆鮮奶，
紅豆略厭少左Ｄ，但綠茶鮮奶味道唔算甜，整體上OK。

主角出場啦！我呢個叫做 "鐵板美國黑毛豬"，好味道呀！
佢煎到個外皮有Ｄ脆，裡面Ｄ肉一Ｄ都唔鞋口，
就算凍左肉質仍舊保持到水準，食落仲好有豬味！
配菜有我喜愛的翠玉瓜，咬落好多汁，Balance返D油膩感。

另外Order了這個，叫做 "鐵板紐西蘭牛肉眼扒"，
比較之下，呢個就失色左Ｄ啦！
感覺佢唔係好入味，好彩配左黑椒汁姐！
扒SIZE都可以接受!

最後不得不提下呢個甜品 - "鐵板布朗尼配雲尼拿雪糕"，超得呀！
布朗尼確實有Ｄ甜，不喜愛嗜甜嘅朋友仔未必覺得好食，
但我地就非常好啦！
驚喜係鐵板入面有隻香蕉開邊，蕉面灑上砂糖火灸過呀！
好好味嘅法式焦糖香蕉呀！食完好開心好滿足！:P

THE STORY
地址: 青衣青敬路33號青衣城1期1樓117號鋪

不正妹  Email: primayy.blogger@gmail.com不正妹 Facebook : https://www.facebook.com/BloggerPriMaK不正妹 IG : http://instagram.com/primayy不正妹 YouTube : https://www.youtube.com/user/PriMayyBlog不正妹愛犬 Facebook - 紳士魔※MoagUs : https://www.facebook.com/gentlemoagu

[歪妹愛尋食] ＊~新潮重牛味扒房Bovini~＊

紀念日帶Hubby來食扒慶祝，說主打牛牛播，
一定要帶愛牛者來試下啦！

坐低先來籃麵包，店員說一定要試下佢，
包保一定脆卜卜，食落又真係幾脆口，而且好重牛油同蒜蓉味！

最令我深印象一定是這個Classic Caesar Salad，
整到成個盆栽咁上碟，Ｄ菜食落清爽鮮甜，
再加上香脆煙肉，開胃非常。

這裡前菜頭盆最得我歡心，呢個Home Made Crab Cake勁好味！
裡面放了切粒三色椒，仲勁重黑椒胡椒味！
甜甜的又帶點辣味，完住刺激口水分泌！

Lobster Bisque，龍蝦湯海鮮味濃郁，勁多龍蝦肉真係真材實料，好味！

相比下，蘑菇湯就普通左Ｄ，同埋食到底，成日有野un牙，
我懷疑是菇頂來，感覺不太好！

Side Dishes叫了一客忌廉粟米，份量頗多，食唔哂！

牛牛出現啦！USDA Prime Grade Rib Eye Steak，
Order了五乘熟，幾厚身，肉質嫩口，濃郁牛牛味！

Ossobuco Risotto～好像沒見過此配搭，
牛膝配意大利飯，確是正宗意大利飯，
一粒粒有點生米FEEL，唔會好腍身。
不過牛膝就無咩味道，只有原本的牛牛味。

最後來個甜品，Molten Chocolate with Home-Made Vanilla Ice Cream！
勁大份，自家製雲呢拿雪糕配上熱辣辣的朱古力，朱古力唔太甜，所以我地食得哂！

其實呢度碟頭都幾大，大家唔好貪心叫多左食唔哂就好浪費。
題外話，隔雜枱個外國人話要飲Chinese Beer，
店員即飛奔出去買俾佢，今時今日呢個服務態度值得一讚！

 Bovini Steakhouse & Bar大坑銅鑼灣道128號地舖

[歪妹愛尋食] ＊~生日飯@Le Marron~＊

踏入三月份，開始排住隊的生日飯！
打響頭炮是跟另一半來這間法國餐廳撐枱腳，
踏出𨋢門那刻，感覺自已置身外國一樣，裝修好典雅。

餐廳裡面裝修帶點80年代的感覺，
通往洗手間的走廊令人有點迷幻。

仔細一看，房與房之間是利用厘士布簾來分格開來，
不知道為什麼我總感覺"好伊朗"，若隱若現，好有神秘感。

明明好近，但又提高了私隱度。
大家用餐傾談都放輕聲來，所以環境還是舒服不錯。

我們用餐的地方，每道菜逐碟上，枱仔細細無問題，
而且燈光昏暗，營造出浪漫氣氛，幾適合情侶來，
窗邊還放上不少有趣的裝飾物。

首先會上籃麵包，熱辣辣，有軟有硬。

湯方面，我們選擇了龍蝦濃湯和黑松露蘑菇湯。
龍蝦湯好甜，而蘑菇湯勁多黑松露及蘑菇粒，超好味！

前菜 : 燉豬面頰肉伴紅菜頭沙律

食落其實有D似牛腩，唔會話好重酒味，
好腍好入味。

前菜 : 鵝肝配雪梨
鵝肝好大件兼厚身，入口即融，食落好肥美。
甜甜的雪梨，跟鵝肝一起吃特別清甜，鵝肝完全不覺得有酥味，唔錯！

主菜 : 烤豬面頰

這個我極力推介，因為在其它地方吃過同一菜式，
同樣標榜穀飼豬，同樣說肉質嫩滑，但換來是貨不對辦。
這裡確實說到做到，塊肉勁厚身，能夠煮得熟透之餘，
還要求不鞋口，確實需要一定水準。

主菜 : 美國肉眼扒
半成熟剛剛好，沒有血水，肉質粉嫩，牛肉味濃郁，
簡單加上些少鹽和黑椒調味已足夠。

最後來到甜品環節，
怎少得這個法式焦糖燉蛋，
份量幾大碗，吃完有點飽肚。
燉蛋面的焦糖有點厚，略厭硬左些少，
但味道不錯，配上生果粒，感覺不單調。

再來一個至愛 - 心太軟配云尼拿雪糕！
個皮唔會一穿就塌哂，夠企身！
同樣配上水果粒，減少甜膩感，
朱古力配云尼拿雪糕絕對是最佳配搭。
為這餐生日飯劃上完美句號！Perfect!^^

LE MARRON
銅鑼灣怡和街2-6號英光大廈12/FOpenrice- https://www.openrice.com/zh/hongkong/r-le-marron-%E9%8A%85%E9%91%BC%E7%81%A3-%E6%B3%95%E5%9C%8B%E8%8F%9C-%E6%B5%B7%E9%AE%AE-r16065