[歪妹本地遊] ＊~ 婆婆生日 #Staycation @ Disneyland Hotel ~＊

預訂過程 - 熱線真的等得太耐，是疫情下人手不足的關係嗎？

七月頭Gaga婆婆生日，我哋同佢住咗一晚迪士尼酒店，等佢可以放鬆抖返下。見呢排做緊港人春日優惠，我哋又末入住過呢間酒店，近近地就揀咗佢啦！ 我係經佢哋官網訂的，本身想打去hotline訂，可以問清楚啲優惠詳情同生日安排，點知條線等極都無人接！

上圖：泳池景

下圖：停車場景

房間環境：
因為本身我係迪士尼奇妙處處通金卡會員，所以房間有得upgrade到豪華客房，我哋入到房見對泳池景，好大個落地窗同露台，感覺好舒服！ 但係張雙人床好細，兩個大人一齊瞓應該唔太舒服，所以我哋出返去要求換房。好彩同grade唔駛加錢仲有一個房型可以選擇，不過係對停車塲個邊，但係兩張King Size喎！所以決定轉過去夜晚可以瞓得舒服啲！ 但係晚上周不時都會聽到些排氣聲，有點像以前舊式酒店夜晚放香薰嗎？

上圖: 這是露台房間的雙人床
下圖: 這是對著停車場房間的雙人床
看床頭燈的差距就看得出床的闊度差幾多呢!!!!

生日安排：原來在餐廳用膳可以Free一個生日蛋糕俾我地，但我地無預訂到，加上疫情下一定要兩天前ORDER，所以享用不了這個優惠。不過基本生日禮物還是有的，是手巾仔蛋糕及生日卡。另外，前台也為我們在房間安排了一個生日甜品，晚上我們可以在房間內慶祝吹下生日蠟燭。總算有點氣氛！本身預訂房間時可以另外加錢去裝飾生日主題房間，不過我們就沒有特別request啦！

:P 每次有人生日，Gaga都好像慶祝自已生日咁！

用膳方面：
其實迪士尼渡假村內都幾多餐廳選擇，晚上哋就選擇了晶荷軒食生日晚飯，一直想試嘅餐廳，食物質素不在話下，服務員態度真係值得一讚！好細心同令到我哋好賓至如歸嘅感覺！🏻 我哋散叫做埋優惠埋單千二蚊左右！有機會會再黎光顧。

早餐在翠樂庭食，環境好像後花園的設計，感覺同樣舒服。

因為我們join的住宿計劃只包二人早餐，
所以另外二人要額外再Order早餐。
金卡在手，今次在迪士尼餐飲消費都有七五折。^^

今次係疫情底下黎個 #Staycation情況如何呢? 

說真的每次入住迪士尼的酒店都趕頭趕命，根本住一晚的話你無可能參與到佢啲活動。首先，check-in時間下午三時，check-out時間上午十一時，基本上到埗放低行李游個水就沖涼食飯，瞓醒早仲可以游多次水先食早餐拜拜。話就話明可以享用埋其餘兩間酒店嘅設施，不過對於想RELAX慢活一下的我地確實有點難度，除非住夠兩晚啦！ 如果唔係都幾難了~

入住當日係星期四無full booking，check-in不用大排長龍！🏻 眼見酒店內的住客真係明顯地少，行去邊都係大約十令人夠唒寧靜！而泳池就分時段進入，每節1小時15分鐘，接著是15分鐘消毒及清潔。泳池牆身明顯有青苔？望落係有啲殘舊唔太乾淨，我同妹妹去完泳池發現隻腳磨損咗！ 相比冒險家個泳池真係比下去，建議大家游水過去冒險家個邊會開心啲！雖然專登走過去唔太方便，要搭程接駁巴士。Check-out又係勁快，呢段時間黎好就好在比以前咩都快，唔駛排隊！

評分表：
交通 💜💜💜 - 無揸車比較麻煩，要去迪士尼站轉接駁巴士
衛生 💜💜💜💜 - 基本消毒洗手液有提供，泳池每節也有15分鐘清潔

裝潢 💜💜💜💜 - 有特別主題房

景觀 💜💜💜💜 - 對泳池景觀確實很有維多利亞色彩

服務 💜💜💜💜 - 前台有禮，RoomService反應也很快，餐廳服務細心

房間設備 💜💜💜 - 房間較細 ，欠特別設備，有浴缸所以加返分
公用設施 💜💜💜💜 - 開業咁多年都算保持得幾好了！係泳池牆身保養要改善下啦！

今次Staycation安排 - 婆婆表示很滿意! ^^
晚上勁快入睡，仲要一覺瞓天光，
我們總算目標達成！^^
＊~HAPPY & RELAX~＊

近排疫情又嚴重咗，想出去舒展下呼吸下都卻步了！ 大家又要開始 #stayhome 嘅日子了！對於喜歡去旅行住酒店嘅我哋真係好痛苦！🥺 唯有將精神寄托係屋企，例如執下屋，煮下野食咁啦！大家都唔好鬆悈呀！繼續努力！🏻🏻🏻

不正妹 Email: primayy.blogger@gmail.com
不正妹 Facebook : https://www.facebook.com/primaonlife
不正妹 IG : http://instagram.com/primaonlife
不正妹 YouTube : https://www.youtube.com/user/PriMayyBlog
不正妹愛犬 Facebook - 紳士魔※MoagUs : https://www.facebook.com/gentlemoagu

 

[歪妹本地遊] ＊~暴走3D館一小時-TrickEye Hong Kong Museum~＊

Hello! 好耐無跟小件本地遊啦!
現在星期六小件都要返薄扶林上堂，所以有藉口出走港島區啦！
上兩個星期我們就上了山頂的3D館玩啦！
出發前，我們先去IFC食Lunch。

這間餐廳位於IFC四樓Roof，Roof這裡有四間餐廳，但唯獨Glasshouse人流最多。
當天仲要幾多人，我們就坐在人群中的一張枱仔，其實這排二人枱都比較迫呀！
而且環境都幾嘈下，不是想像中悠閒啦！可能Lunch時段多人就是這樣子啦！
我們Order了一個韓式牛似包，肉質好稔呀！甜甜的，這個不錯！
另外，還Order了一個All Day Breakfast，裡面有我喜愛的Mushroom，香香啊！
勁多腸仔同蕃茄添呀！不過份量有點大呢！好彩小件幫忙食下。

之後就出發去山頂啦！好方便！我們行返出碼頭就有小巴或巴士上山頂啦！
我們當天是搭巴士上去的，好像大約要半小時左右吧！
其實早在三年前，已經在韓國玩過3D館啦！

Korea Pre-Wedding Trip - Day 2 : Ergo coffee+弘大3D博物館-Trickeye+姜東虎燒肉店
http://www.theztyle.com/home.php?mod=space&uid=25007&do=blog&id=192940

當年係去影Pre-Wedding呢！同樣是去Trick Eye!
究竟Hong Kong同Seoul的Trick Eye有咩唔同呢?
今次就來體驗下嘍!

一入門口就叫到佢啦! 嚇鬼呀你!

簡單介紹一下先! 買門票時你可以拎一份埸館指覽架!
就好似去主題樂園一樣! 不過，個人認為去樂園玩就需要規劃一下玩樂玫略，
玩3D館就無需太刻意做準備了！就順序逐個場景玩便可以啦！
沒興趣的便Skip，太多人就先玩其他，然後再返轉頭玩便可以啦！
怕唔識玩，唔知點樣影會像樣的話，可以按照場館的指示，
他有些溫馨提示，教下大家企那個位置，或者有圖片教學，讓大家試著模仿來拍照。
所以本身不夠創意，不夠有趣的你，也不用害怕拍不出有意思的相片來。

場館分為五大主題，分別是：
- 秘密花園
- 名畫世界
- 大冒險
- 夢幻樂園
- 探索香港

大家Ready? 跟我們來暴走3D館啦! 

<秘密花園>

相信大部份女仔都會做出好仙子感覺的姿勢，究竟我發生咩事.....
我只能夠說我實在唔係太女仔的女仔嘍!

也是不知道怎樣帶出仙子感覺，唯有裝一下高傲啦！

這個真係好立體呢！

這個很有童話故事Feel啊！

這個小件影得最入格的！此相片而名為"頑皮天使"。

＜名畫世界＞

I Am B Girl! XD.......

Oh~~見到我最愛的蒙羅麗莎呀! 佢見死不救! T.T....

<大冒險>

這個不是人人都玩得起，首先你需要些柔軟度，亦需要有腰力。
最可怕是肥面是避免不了啊！你看！

夢遺大師浮走中....(你是周星馳電影迷，你懂的！)

只要一個字"型"! 華DEE~~

<夢幻樂園>

大家有去過科學館，應該不會陌生吧！

我覺得小件玩得非常投入，總是他拍得比我好！

想點呀....

這張是我覺得影得最好的一張代表作！哈哈....

又見到你啦! 係韓國見完面後，再次相遇！

超童話呀！小件用Iphonbe幫我拍全景！超好玩！走呀走～～

<探索香港>

來到最後一部份啦! 亦是最有特色的一部份!
大家知道是香港哪裡呢?

天壇大佛?

是大澳嗎?

維港嗎?

我特別喜愛這個BB跟會展啊!

玩左一個小時便暴走完畢! 當天唔算太多人!
所以都玩得幾暢快!
最後給我送上韓國暖男一名! 謝謝你啊!

來這裡消閒一個下午都不錯喎!
現在還有優惠價-半價優惠咋！即HK$150兩個人，
沒有時間限制，可以盡情任玩。

仲有JETSO添呀!
將影完的相片，放上Facebook及Instagram，
Hashtag #trickeyehk #lovetrickeye後，
獲得最多Like或Share就會有現金獎呀！
我當然致在參與啦！咁有趣的相片怎會不跟朋友們分享呢？

暴走完超口喝，我們就落去7-11買野飲啦！
超耐無飲過葡萄適啦！超懷舊～～
原來葡萄適仲出埋運動飲料呀！個樽超正！想搵呢類型膠樽好耐啦！唔係度度都有～
帶魔大人去街街時，用來清理佢Ｄ尿跡一流呀！

超開心的！勁耐無同小件出去玩！今日過得特別開心！
宅得太久都要出去輕鬆一下！大家有興趣都可以黎玩下！
勁有童真！HA....好啦!
希望大家喜歡今次的分享!
想去Trick Eye Hong Kong玩的朋友仔，可以做個Reference啦！
其實想點玩法好隨心架！如果天氣好的話，其實係山頂行埋山或野餐都不錯架！
香港本地遊真係變化萬千，得閒再跟大家分享啦！
See Ya~

GlassHouse IFC
中環港景街1號國際金融中心商場 4樓 4009號舖http://www.openrice.com/zh/hongkong/restaurant/%E4%B8%AD%E7%92%B0-glasshouse/166040?region=0&s=3

Trick Eye Hong Kong Museum
山頂廣場三樓
營業時間：10am-10pm
http://trickeye.com/hongkong/?tl=zh_HK

不正妹 Email: primayy.blogger@gmail.com
不正妹 Facebook : https://www.facebook.com/BloggerPriMaK不正妹 IG : http://instagram.com/primayy不正妹 YouTube :https://www.youtube.com/user/PriMayyBlog/ 

不正妹愛犬 Facebook - 紳士魔※MoagUs : https://www.facebook.com/gentlemoagus