不正妹的正生活: 育兒

2018年3月24日星期六

[歪妹愛生活] ＊~開始加固。不能沒有的儲存杯及學習匙羹~＊

今篇分享係講關於BABYGAGA開始食固體食物，有咩特別要準備呢？
首先為左準備唔同食物，食物儲存盒唔少得；
另外要令佢對進食有興趣，喺食用工具方面亦要花點功夫，唔能夠太單調沉悶。
就呢兩方面跟大家分享少少啦！

BB踏入六個月已經可以開始俾佢接觸大人嘅食物，
無論你係主張BLW還是傳統嘅粥仔稀飯，食物種類及配搭已經可以好多花款，
但BB嘅胃口又未必一餐食得哂你預備嘅食物，
所以雪櫃內一定要保持整潔，而且食物要分類儲存好，
呢類型嘅儲存杯就可以幫到大家忙啦！

宜家好多媽媽都係上班一族，為左方便及節省時間，
好多時會將幾日嘅食物按份量分好放入雪櫃待用。

呢類型嘅儲存杯上有容量刻度，仲可以寫上日期，時間及份量，
方便記錄低食物嘅儲存狀況。

亦見唔少餵母乳嘅媽媽都推介同系列嘅儲奶杯，佢地儲奶杯比食物儲存杯細，會有埋接駁器，可以直接將奶泵泵頭扭上去，將人奶泵落儲奶杯到。過左餵母乳時間之後，佢地會將儲奶杯重覆使用，用黎放食物，可以重覆使用，非常環保。

作為過來人，我深明人奶嘅可貴，一滴都唔想浪費，所以妥善嘅儲存好重要，
呢隻杯嘅旋轉杯蓋有防漏作用，方便攜帶及存放，
而且可以直接放進加熱器加熱儲存嘅食物及奶奶。

BABYGAGA證實左呢隻杯嘅防漏功能好WORK! XD...

除左可以用黎儲存食物及奶奶，我亦會帶佢出街用架！

可以放濕左嘅紗巾，又或者污糟左嘅紗巾。

同埋要黎放零食，好似米餅等易碎嘅零食就可以用佢黎存放啦！

你知道啦！個袋入面咁多野，搵起野上黎都幾困難，
所以將所有東西盡量分類放好去，急起上黎都快啲搵到嘛！XD....

除左儲存杯外，學習匙羹都係唔能夠缺少架！
BB一開始學習進食，最重要係令佢對食物產生興趣，
所以將食物成功放進口裡嘅機會率提高好緊要！

呢類型嘅羹仔就可以幫到手啦！
佢個孤度唔太深，BB可以逐小口來進食，唔會咁易哽親。
BB好多時鐘意將隻羹放哂入個口腔入面，係咁咬黎按磨佢地發痕嘅牙肉，
膠羹就唔會磨損牙肉啦！個長手柄夠厚身，BB好易拎上手!
BB食得舒服又有成功感，就自自然然會主動揮動佢地嘅小手仔食野架啦！

學習匙羹同學習杯一樣，都好個人喜好架！所以不妨買多幾隻俾BB試下，
而且BB好多時食飯都會發下忟憎，因為坐唔定無耐性，
如果唔想依賴睇電視睇YOUTUBE令佢地冷靜落黎，預備多幾隻羹仔放係度，
俾佢當玩具玩又好，當中佢地亦可以透過自發用唔同嘅食用工具食野，
從而令佢對進食產生興趣，慢慢佢地就唔駛我地餵，可以自行進食啦！
希望以上少少嘅TIPS可以幫到大家! 希望大家喜歡我今次嘅分享啦! ^^

不正妹 Email: primayy.blogger@gmail.com
不正妹 Facebook : https://www.facebook.com/BloggerPriMaK
不正妹 IG : http://instagram.com/primayy
不正妹 YouTube : https://www.youtube.com/user/PriMayyBlog不正妹愛犬 Facebook - 紳士魔※MoagUs : https://www.facebook.com/gentlemoagu s

2018年3月1日星期四

[歪妹愛生活] ＊~不正媽選擇學習杯的心路歷程~＊

Hello！不正妹好一段時間無分享啦！今次想同大家分享下小朋友用嘅學習杯！打從一歲返健康院打針做評估時，姑娘已經提醒我BabyGaga應該要戒奶樽，建議我地要轉用學習杯，俾佢學習坐係度飲水飲奶。經過呢半年嘅使用心得，今天跟大家分享一下吧！

其實呢半年大大話話都用過4-5款嘅學習杯，最後終於搵到一款佢最啱用嘅！初時我選擇學習杯，會因應自已喜愛嘅顏色及圖案去購買，但總是會遇上一些情況，不能再讓BabyGaga繼續使用：

1) 開關設計是為開揭式開嘅學習杯，出牙仔時常牙痕，會成日咬個蓋面，學習杯變咗當牙膠使用，失去學習吸吮嘅功能，呢類型學習杯較適合已經學識吸吮同離開發牙痕時期嘅BB使用。

2) 為避開咬蓋面嘅情況，之後我選擇咗開關為推蓋式嘅學習杯，但發現有漏水嘅情況，雖說BB們會坐係到飲用，但有時都難免佢地會訓係到，所以呢點都幾非常重要，大家要留意一下。

3) 最後就係手感問題，呢個真係好個人，要睇下你嘅BB同隻杯夾唔夾，有啲BB鐘意短柄，有啲BB鐘意長柄；有啲BB鐘意樽身圓，有啲BB鐘意樽身扁啲；有啲BB鐘意飲管軟身，有啲BB鐘意飲管硬身；有啲BB鐘意高杯身，有啲BB鐘意矮杯身……等等。

而BabyGaga最終用得最耐就係呢隻學習杯，佢寫明可以盛載水同牛奶，呢點大家購入時都要留意一下，有啲學習杯只能放水，唔放得牛奶果汁。開關係推蓋式嘅設計，避免BabyGaga咬蓋面嘅情況。據我觀察，呢隻學習杯無漏水情況，唯一唔好就係開關位比較緊，要BabyGaga自已開黎飲水有點困難，要大人輔助下佢。而握柄有防滑功能，小朋友細小嘅手指能夠輕易緊握好學習杯。