不正妹的正生活: [歪妹愛生活] 懷念我的小妹子砵砵豬*

第一篇寫我的寵物... 不過她已不在了! 有點傷感添....
我不會稱砵砵豬是寵物
因為我全家人都已經視她為年紀最小的妹妹啦!
突然想提起她.... 因為1月27號是她的死忌...
很掛念她呢!!!!
七年幾時間對我來說是漫長的!

而且跟她的感情已經好到不能以說話描述了!

她會出現在我們族譜全因為妹妹,
那時, 她ex-bf送給她的生日禮物
11月收到她時有驚有喜, 那是砵砵豬只有3個月大, 豆釘賓尼女~
爸爸剛好是8月生日, 所以我們就當爸爸生日那天是砵砵豬的生日
開頭我們也怕mummy不允許我們養砵砵,
因為以前我們也試過偷偷地斬後奏地養Jimmy
Jimmy是我們第一隻養的免子, 是中國兔來~
後來大過了才知道.. 原來mummy怕日久生情, 大家會好傷心..
這次不知道為什麼那麼順攤俾我們養..可能是送禮的關係?!

點解佢會叫砵砵?
因為有一次我同妹妹同佢係房度... 大家各自各做自已野,
我上網, 妹妹睇書ing....突然好大聲"砵"
邊個放屁? 我同妹妹拗左好耐... 我地真係無...
肯定係砵砵豬...就係咁就幫佢改左呢個名啦~

佢超鐘意食野.. 尤其是係生果...
佢最like提子同埋蘋果架..

真係可以日日食都唔厭個隻...
仲食得多過我...奇怪... 反而紅蘿蔔佢唔係好食...

其實砵砵初時來並不太懂性... 隨處排便...攪到成屋地下都有..
而且兔仔屎真係好臭架... 真係要日日清...
照顧兔仔比照顧狗仔更多耐性同時間
他們不懂像貓貓狗狗叫... 唔舒服想講野.. 就要靠其他body language了
託賴..她比較天生天養... haa.. 所以身子一向都唔差...
不過4歲那年... 腿上生了個瘤..
終於帶佢去睇第一次醫生, 發現埋佢耳仔有中耳炎醫生話呢d都係兔仔常見的疾病,
唔駛驚, 食藥, 同埋做手術切左個瘤好快無事...
就係咁砵砵豬就做左第一次手術啦~
不過佢返到屋企仲好似無野咁.. 周圍走...
大家都總算放心....

跟她這七年間, 大家都互相了解, 知道佢最鐘意玩到攰就會攤係邊度

佢跑步的路線, 通常去到邊個位會加速, 去到邊個階磚就起跳跳上床
砵砵豬真係跳得好高架~
我唔開心時, 佢唔會奀皮, 仲識得訓係你旁邊舔你安慰你...
佢唔係only見到野食先會乖... 反而見到野食係癲左...haa...
佢真係好可愛好聽話... 愈大個就愈懂性..
識得去固定的地方去廁所... 呢d都係唔駛我教佢架...
我好慶幸我有緣份遇上她...對我來說, 佢同人係無分別

年長d o既時候, 佢唔單止only識放屁,
佢識講野... 都係一d單字的聲響...
你會知道佢講緊野.. 雖然唔知佢講咩..
佢好努力去表達自已, 同我地溝通~
大家吃飯時, 她一定要訓係我們的台邊一齊食~
我地睇電視, 佢又要lui上黎sofa一齊坐~

這些全部你預計不到會發生係一隻兔仔身上
朋友們看見她龐大的身軀又行為極似狗仔都以為佢係狗仔黎~

平時佢有咩玩... 細個時佢有個兒時玩具就係呢隻公仔啦
個樣好衰...haa....

唔知係咪毛色差不多呢... 屋企有好多隻公仔,
但佢都係要同呢隻玩.....成日禽佢.. un佢...
我想講砵砵係女仔黎架... 但係佢呢個行為好似男仔呀...
試過同我朋友隻男貓貓兔玩... 佢嚇到人地避開佢....
配種失敗....haa....佢注定要做老姑婆啦~

其次我地成日俾佢玩脫險遊戲....

玩到攰...最鐘意係訓覺抖下....haa...成塊地顫咁....

2007年....發現砵砵豬開始成日失手... 跳唔到上張床度...
懷疑佢年老啦.. 我地仲成日取笑佢...
點知開始發現佢失禁...呼吸又大聲...仲成日收埋自已..
唔想俾我地搵到佢....
擔心啦... 所以帶佢去睇醫生
點知.... 報告出左...肺積水....好嚴重... 引致佢呼吸不到
我地能做o既就係每日帶佢覆診... 要抽返d肺水出黎
每日都要餵佢食藥食抗生素....
仲叫醫生幫佢磨埋牙仔.. 因為佢d牙倒插.. 攪到佢無胃口食野...

有一排好返架... 見佢咁辛苦就試下停藥啦...
點知又復發返....醫生話應該唔得架啦...
佢話可以打針等佢唔駛咁辛苦
但係我地都俾多一個星期去觀察先...
我好想盡我能力...我地唔想佢離開我地
佢大病呢段日子...我地日日餵佢食藥..
佢已經無以前咁鐘意周圍走了

反而成日勁痴身... 坐係我地旁邊..好安靜...
我地o既感情更加深厚左...連細佬同mummy都忍唔住喊了...
一個星期後... 我親手帶佢去醫生度打針...
因為我已經唔想見到佢咁辛苦..
而且佢都俾我感覺佢係時候離開..
佢都有心理準備了...所以我地選擇放手了..
臨走前...我跟她合照了...不捨得都要拜拜啦....

因為大家都當佢一家人了... mummy提議將佢火化...按個位俾佢~
我就經獸醫搵到一間道館幫忙處理砵砵的身後事...
就係葵涌的工廠區內~
我們在那裡進行超渡儀式之後就帶她火化了...

當天那邊安排得很好...安排了一間房間..
火化1小時前我們可以望望砵砵豬先...
流洗過後... 她樣子還是很可愛...
聽過頌文後大家就跟她告別帶她出外面火化啦...
那刻真的是癲左..喊死左....
再等多回... 已經可以即日上位啦
我們租了一個位置給她....他可以在那裡有其他朋友仔陪她玩
而且每天都聽經文...