[歪妹愛電影] <優先場> 綁架現場-感覺置身其中還是置身道外...你又抖唔抖到氣?!

《綁架現場》

 

不正妹一向對驚嚇片情有獨鍾, 之前看過此片的Trailer, 好有興趣, 剛好有機會去睇優先場!此片的導演就是之前執導《80分鐘死亡直播》的那位米基安哲維華斯!
好像更有吸引力了!!
大部份的優先場, 時間都比較怪.. 一係太夜一係太早, 或戲院偏僻!
今次係鑽石山荷里活廣場的 Broadway睇9點50分,

岩岩呢個星期為了Rain虛脫了, 還未有精神執相, 澳門之旅的分享也要廷誤~
對於咁夜看著片頭的交代, 兩母女鬧交, 也不能令我醒過來!
好眼訓.. 幾時有d核突或者嚇人的鏡頭….

故事其實好簡單, 只係講家人, 有爸爸, 媽媽同個女搬入新屋,
然後第一晚就俾人入屋打劫, 故事就係講班人點綁架佢地,
佢地點受虐同埋反抗…….
好似成套片都無咩特別…
我想讀電影的人, 應該會更加懂得欣賞它吧!
我唔係讀電影出身, 但係我鐘意睇電影,

感覺呢套戲絕不是大眾電影,

如果喜愛睇有劇情的觀眾, 去睇呢套戲, 一定會罵罵聲….
或者會大笑添……

點解? 因為整體上, 套劇幾悶!!
拍呢套電影, 他們像只著重拍攝手法, 鏡頭運用,
以及如何渲染氣氛令觀眾感到恐懼或壓迫感,
令觀眾置身當中, live一樣的那般真實感
劇情唔需要復雜, 俾到這種感覺你就是!

所以當中出現很多兩難, 不願意,

甚至去到最後作出反抗時那種歇斯底里的表現,

真的令人覺得好痴線!!!

但絕大部份人看到ending都一定會大笑或者罵出來!
我個場就係有班男仔係度大笑.. 同埋罵了出來..
唔信你可以入戲院睇! 不過, 我相信上畫日數應該唔會長!

人的心理及行為反應, 完全在這套戲裡表現出來,

當人遇到恐懼, 會變得無助, 變得自私, 變得自我, 變得堅強,…etc

當崩潰時, 意想不到的行為就會出現, 遠遠超乎你我想像…
為了求存, 人能夠在短時間改變自已, 用盡方法保護自已!

平時懦弱的人都可以變勇者!

大部份人眼中可能覺得是爛片, 可能當中有很多可取的,
以動靜, 穩亂的比較去營造氣氛, 心理及表情表達 ,可能是這位大師想做的?

只是我們不懂欣賞罷了???!! Haa…
點解這樣說, 看完戲, 優先場戲票後有一個意見調查,
當中的問題也能略知一二吧!!

不過, 我堅有段時間想訓著… 可是此戲院的位子實在太窄.. 腳曲得耐很不舒服,><
我要不停轉換腳的位置才行~no good no good!!! 腳痺好辛苦~~

 

唔想中招, 怕悶的話, 勸你唔好入戲院睇啦~~
HAA!!!

LOVE
＊不正妹＊ＰｒｉＭａ＊

不正妹PriMa Email: primayy.blogger@gmail.com