< 歪妹之囍 六 > 韓國Pre-Wedding=婚紗禮服篇 : 디오라 (THEAURA)

上回同大家講過我遇到不好的韓國代理, 心驚膽顫左幾個月!
以下落黎連續3篇文章都會介紹係韓國為我服務的團隊, 包括婚紗公司, 化妝室同studio~
今次就先行介紹婚紗店, 我光顧的婚紗店跟其他兩者一樣位於江南區,
如果大家有留意韓國pre-wedding, 就知道絕大部份的studio都是位於江南區,
所以婚紗公司同化妝室亦相繼林立!

 

 

 

去左幾次韓國, 都未曾試過住江南區酒店, 為左方便試衫影相,
今次終於試下住係江南區.. aiya.. 突然好想share下間酒店..haa...遲d再分享呢個!
想講.... 雖然住江南區, 但係我地並非步行過去試衫,
皆因江南區d路都幾複雜下, 就算你係韓國本地人都未必全部認得出..
太多小路啦... 而且大部份studio, 化妝室同埋婚紗店都係座立於小路中的低層樓宇內,
條條巷都差不多, 要行住搵路的話..應該幾金...
代理當然suggest我地一齊搭的士過去~
遇上一個識路的司機感動啊~~

 

디오라 (THEAURA) 位於5樓, 搭電梯上到去, 第一時間就係除鞋先,
然後就帶我地入房間坐, 我地make左booking, 好快就有人黎招呼我地啦!
因為陪我去韓國順便玩幾日的朋友仔都一齊黎睇我試衫,
所以佢專登換間大d o既房間俾我地試衫~~
呢間係細間d的房間, 以白色為主, 好光猛~~

試衫的STAGE~~~~

 等待中也不忘自拍下...呵呵....

真係打燈用? 咁勁???

有不少頭飾放係度, 試衫前會幫你set個簡單的髮型啊~

換左房間, 第一件事就係俾左佢地D 婚紗相同埋上過的雜誌俾我地睇,
睇下我地比較喜歡邊類型的婚紗及禮服~
因為佢望住我睇, 問我意見, 不便拍低佢地D相薄D相俾大家睇啦~~

 

不過, 我都PICK左幾件試上身! 大家可以望望呀!~~
一朝早無化妝...獻醜....

因為我喜歡紗...
第一件試上身的是一件好簡單的婚紗, TOP型心口有少少花,
由好多層紗做成~~感覺... 無感覺...HAA..


 
因為我喜歡簡單中要有D特別.. 有D Design咁...
第二件多返D layer同details野睇, 由絹料加少少紗做成,
長拖尾來啊~~~~呢條都感覺唔錯~~


 
因為我喜歡laces...
第三件比較貼身d, 本身不太喜歡絹料, 但係著左上去, 朋友們都話呢件我著得好睇~


 
第四件跟第三件差不多, 不過係幼單膊, 但全絹料~~



第五件我很喜歡啊! 因為Sweet Heart! 而且有LACES有DETAILS位! ^V^



第六件, 其實只是加了LACES借住膊頭, 立即Vintage左!




試左5件婚紗, 係時間試晚裝啦! 不過跟店員溝通過後, 發現韓國人的晚裝是偏向沉色的!
紫色已經算係sharp色了.. 因沒有太多選擇, 只試了一條長一條短~




另外, 再試左條粉色的....不過麻麻地~~~
最後我係選擇了紫色短那條~

 

 

試左婚紗咁耐, 係時候到肥仔試西裝啦!
男仔選擇少好多呢... 係得3個款.....
顏色得個幾隻色...黑, 白, 灰, 藍~

最普通的款式....

 

企鵝裝





燕子尾裝




好快就選擇了寶藍色~最普通個款, 因為肥仔著得最好睇的了!HAA...
度埋身就大功告成啦!!



全程陪住我就是這位啦!! 我地用簡單的英文溝通, 大致上你識少少韓文,
都估到佢想表達d咩~~ 佢好nice呢! 不斷俾suggestion我!
仲話我係第一pair香港新人光顧他們~
成個過程都很開心舒服呢!!!
仲話影相當日會有阿豬媽陪住我換衫set頭~



試衫就試到呢度啦! 你估最後我選了那件婚紗?
選左3件啊~~ hee....
我仲唔駛帶鞋, 打底內衣都用不上, 因為佢povide埋啦~
下次再同大家分享韓式化妝室啦!

希望大家都喜歡今次的分享! ^v^

相關文章:
<歪妹之囍>http://freshprimayy.theztyle.com/home.php?mod=space&uid=25007&do=blog&classid=4238&view=me

With Love,
＊不正妹＊ＰｒｉＭａｙｙ＊

Email: primayy.blogger@gmail.com
不正妹 Facebook www.facebook.com/BloggerPriMaK
不正妹 Weibo http://www.weibo.com/primayy
不正妹 Twitter http://twitter.com/PriMayy