不正妹本身諗住一間公司租哂所有婚紗禮服，
因為想避免拎衫還衫咁頻撲呀~~~
其實我一開始就好勤力咁搵架啦!
主要都係睇中上環區上樓的婚紗鋪!
不過，好多都只係有婚紗同晚裝多，
新郎禮服就好少選擇~
而且價錢都實在太貴啦!
一件婚紗+晚裝 已經差不多10K或以上的價錢～
說真的，搵到有點想放棄架...
搵左成個月，最後就行街無意中見到LS WEDDING的宣傳易拉架~
咁就上左去睇啦~
佢係觀塘工廠區內的，入面地方都算幾舒服，
招呼我地的女仔叫做Rita，佢好nice~而且一路俾comment我地, 好好傾~
傾談當中得知原來佢地係基督徒來~
依家有開業2周年的優惠添!
真係抵過中環個邊好多!
我地JOIN了Package F (婚紗+6套晚裝)
6套晚裝當中可以改為選擇裙褂, 新郎禮服, 姊妹裙或奶奶衫~
正合我心意! 一間租哂D衫!
第一次上去，係朋友跟我上去睇～
佢可以俾我試兩件～而我我試了這兩件啦！
有一個非常靈異的事情，就是無論我去邊間婚紗鋪都好，
個STAFF均一致要求我試 "魚尾款"，話我一定穿得好看！
因為我有身高，身型高佻喎....
說真的，一開始我是喜歡選擇簡單而多紗的款式，
而且需要一定有長拖尾，因為行教堂感覺好似靚Ｄ～
但原來真係要試上身才知道是否適合自已，
其實好多款式都好看，但是比較下，確實是魚尾款穿得最好看！
仲有呢件，懶係特別，一條裙有幾隻布料，懶有DESIGN...
但係....我最憎"落鋼" O羅!
STAFF話我夠高，可以唔落鋼或者細號鋼便可以！
見價錢都OKAY，所以第日就叫埋肥仔一齊上去睇啦！而佢睇過佢Ｄ禮服都OKAY，所以就JOIN左這裡啦!
佢有2小時試衫 (任試)，我地預約了平日下午來試衫，
順便叫奶奶同媽咪來看看這裡的媽媽衫，如果睇中可以join埋!
不過，我發現你試衫真的不要叫老人家來看，
我一心諗住順個便，諗住尊重下她們的意見，點知...
真的不行架! 為了她們的口味，你往往會將就地選擇她們認為好看的....
我奶奶不斷叫我試d深紅呀深藍色..淨色..娟質料個d款式...比較沉實的..
我媽咪就不斷叫我試d勁colourful，超浮誇個d款式...
當然沉實型我絕對不會穿上身，浮誇型為了滿足媽咪一看慾望，
硬著頭皮也要試，任試嘛....
這件媽媽落力推薦，之前跟朋友來看時，我還說這件很像孔雀呀！
現在竟穿在我身上....朋友知道了...笑了我很久...v.v...
穿上又不是太核突，可以接受啦！
這件純粹試下....好大陸feel呀.....我當然好快除返落黎啦....
我想選擇一件nude色的，所以就試下呢件，有點豹紋feel~
可以接受啦~走日系感~有閃閃，媽媽都like呢件~
這件是我選擇的，感覺有些單膊款～有些不同吧！
因為發現自已喜愛的都是tube款俱多啊~
有少少銀色~配返個型d頭飾應該不錯吧!
還想選擇一條金色系的，但太金又會好娘，
看上這件是因為顏色有點獨特，綠綠地ｏ既金色款～
仲有ｄ立體花！最重要輕身～
我還是追求輕身款的！
到肥仔啦！佢好簡單就是黑色，灰色，白色各試一款！
其實之前係韓國試初時已知道他著白色唔好睇～
不過，兩老係要佢著上身望下！
好明顯他不是"白馬王子"啦! 佢著灰色好睇好多!
灰色呢套，肥仔係教堂行禮就係穿呢套啦！
我覺幾好睇呀～最好看這件！
而黑色呢件，專登選擇一年又ｄ閃閃，晚上擺酒時穿的！
感覺有d野望下，喜歡它衣領的設計！
肥仔成日話男仔無咩所謂啦！穿上身好睇咪得ｏ羅！
無話特別講究～咁當然佢點頭說肯穿上身就可以啦！
因為佢有時都幾有要求架！好彩這類款式都滿足到他～
仲有，我都選擇了一套裙褂呀！
有心型有囍字！但係裙褂唔俾試上身！
結婚前2個月就唔可以再轉款架啦!
所以有時得閒，可以再上去睇下有無新款～
這個過程確實好漫長，你早book定哂野，到最後總會心大心細！
好似我為例啦...女仔嘛! 總會不斷四圍睇，望望下又覺得麻麻地...
好似全部款都太似咁...咁又去試下其它款~
我還是喜愛長拖尾，所以又試左條長尾ｏ既婚紗，
但是.....真的之前個條好睇好多o羅...
到最後因為心大心細，我再join了另外一間婚紗公司!
這個我下篇再跟大家分享!
咁呢間多左咁多條點算呢?
我將其中一件share左俾妹妹~book多一條伴娘裙夜晚擺油著!
所以我再陪佢上去試啦!
佢話想試下藍色....但係穿上身...麻麻地者....
how about 希臘女神feel??? 這個都可以!
不過，好似plain一制咁~
跟住這一條大家一致覺得好睇!
因為佢岩岩去完蘇梅返黎，d skin好healthy tan tan地~
襯埋呢隻鴨屎綠出奇match呀~~
最後就選擇左呢條啦!!!!
2個月前上去firm哂d款，選擇埋手飾就攪掂啦！
不過想說一下，2個月前上去已經多左好多新款，
可惜唔俾再轉款～
而且一直跟開我的staff Rita，每次上去都唔見人！
最後由另外一個女仔跟我地個張單!
但係Rita之前promise 的都兌現不到!
首先，join佢呢個２周年plan，可額外有野送架！
其中一樣見它寫著是可以送４個兄弟tie~
我地兄弟有7個，所以我問她是否可以多送3個給我們，
RITA說沒問題，可以到時選擇款式，然後一次過訂回來給我們！
但最後，新staff只拿了她店子裡的現貨，
說只有這些，在這裡選擇你要的，他們不會為了我們特別去訂回來！
而且這些款式都不是我之前看到的，大部份都不合心意，
有看中的就只有3個現貨，我真的O哂嘴!
最後我放棄了，多要一件男仔恤給肥仔更好算了！
而手飾好似頭飾呀～頸鏈呀～好多款，不過都差不多～
就是不太是我喜歡的類型啦～
最後拎衫離開後，才發現我們沒有選擇頭紗呢！
我打返電話給他們，他們把頭紗款WHAT'S APP我看選擇，
然後搵同事就我們方便約個地點拎返～
不用我再老遠跑多一趟~
擺完酒第2日就要去還衫啦~拎返D釘金~
無爛就可以全數拎返架啦!
總括來說，這間婚紗店不是我心目中要求的類型，
婚紗是可以的，但晚裝真的不太合心意！
因為看中一件婚紗就好快決定JOIN了Package~
全因為太累，不想再煩下去...有埋裙褂... 一間攪掂哂的心態下book了的!
奉獻各位一句，當你感到累感到想放棄時，
雖然是很心急，有壓力，還是放下吧！
就放著不要再看，休息一排吧！
若不就好像我這樣子啦！JOIN了後一直心掛掛D晚裝點算...
我想再搵過第間....HAA....
LS WEDDING FACEBOOK: https://www.facebook.com/LS.WEDDING.HK?fref=ts
LS WEBSITE: http://www.lswedding.com.hk/
好啦! LS WEDDING婚享 婚紗店 分享到這裡啦!
下篇會分享另一間我JOIN了Package的婚紗店及肥仔join了的褂店，
下次再會啦! bye~~~
<歪妹之囍> 分享文http://www.theztyle.com/home.php?mod=space&uid=25007&do=blog&classid=4238&view=me&from=space
With Love,＊不正妹＊ＰｒｉＭａｙｙ＊
Email: primayy.blogger@gmail.com
不正妹 Facebook www.facebook.com/BloggerPriMaK
不正妹 Weibo http://www.weibo.com/primayy
不正妹 Twitter http://twitter.com/PriMayy
不正妹 Facebook www.facebook.com/BloggerPriMaK
不正妹 Weibo http://www.weibo.com/primayy
不正妹 Twitter http://twitter.com/PriMayy
沒有留言:
張貼留言