[歪妹愛旅行] 2012白色情人節 Day 7 - "多啦A夢"主題館? 但我個年代叫"叮噹"架! HAA...

4個月前的Trip, 終於出到last day遊記啦! 慶幸沒有夭折!hee...

今日要飛返香港啦!! 中午機飛大阪再轉機!
但係我地一早就黎左機場啦! 因為"多啦A夢"O羅!
但我想講我年代係叫做叮噹架! HA....
上年11月在札幌機場新開了一間多啦A夢主題館呢!
我地黎下潮聖先!!!
佢位於機場大樓的SMILE ROAD!



這裡除了"多啦A夢"館外, 還有其他手信買啊!
要等上機這裡是個不錯的選擇!
相信"ROYCE CHOCOLATE"一定不會陌生吧!
香港都有Counter售買啦!
這裡就有個Royce Chocolate World,
有展覽, 有工場, 有產品售賣......




工場是以透明玻璃隔離, 可以清楚看到工場內是怎樣操作的,
真的有工作人員在包裝朱古力啊!



再行入D終於見到叮噹啦!!YUP!!!
係大門口影下相先啦!! 好大個呀!!!



係右手面發現了一個勞作室呢!
大家可以係售賣機度買個白色叮噹Figure,
然後就可以係呢度免費提供的顏料前盡展你的藝術細肥啦!!
仲有一個玻璃膠製作課程, 有d小朋友已經坐定定係度玩緊呢!



係對面又一個迷你遊樂場啊! 要除鞋先入得佢架!
我呢個大粒人真係玩唔到sir滑梯呢! ><
見住d小朋友竄來竄去, 真羨慕他們的細小身驅呢!



再向前行轉個靚彎, 見到售票處啦!!! 但想講都係要自已行埋去部機都買飛架!
不過都有工作人員stand by係度的!



第一個送部入到去, 發現有很多figure, 大家可以隨便影相!
還在得打機添! 好互動呀! 係咁撲, 係咁射!! 好型呀!! 好大支炮槍呀!
仲有得儲印仔架! 入場個時我地join左跟叮噹影相的package
有本類似紀念冊的書仔, 我地就係用佢黎儲印仔啦!



你們是否也覺得大雄跟靜兒一定是一對呢???



第2部份就係玩你視覺啦!
首先見到好個好3d的wall figure! 好有趣~
其寅很簡單啊! 就是有3個山係牆度廷伸了出來!
但係正面看時好立體啊!







之後就係親身融入3D角度!! 你看肥仔坐緊時光機啊!!!
佢仲偷看靜兒沖涼~~ OH MY GOD!
好衰啊!!!



又有畫欣賞啦~~ 又係3D~這個3d就真的靠畫功發揮出來~


到我啦!!! 行入去間屋時, 個地板攪到我好暈啊!



行左半個鐘度啦!!! 約左叮噹的時間到啦!
就係出口附近, 我們可以跟叮噹影張大合照!
yeah!!!!


咁就行左一round了! 係時候去食野啦!! 唔係遲左上機就唔好啦!
我地去左這裡的多啦A夢CAFE啊!! 不是特別好吃, 只是因為叮噹才吃啦!
而且那個兒童餐確實很令人懷念的!
以前小時候常常都會遇上兒童飛機餐!
可是現在好像都絕跡了似的!!!
小時候, 美心一定會有飛機兒童餐! 你們有無試過呢?



吃過後就是看叮噹最愛吃的豆沙餅啦! 不過沒有買回來啦~~~


就這樣, 逛了逛就去返LOCKER拎行李閃人LU!!!
我的白色情人節之旅就告一段落LU!
算是一個完美的句號吧!! :D....

我地好鬼無聊呀! 去到大阪又買左STARBUCKS杯!
諗住以後去親不同的國家都要買隻返黎做紀念呀!
其實都幾重同佔位置~ HAA...算啦! 都實用O既!


多謝大家睇哂我地七篇的白色情人節遊記啊!!!
用了4個月時間終於大功告成!
這次旅程令我印象難忘, 更愛日本呢!!
希望好快又再飛, 同大家分享更多有趣新奇的事物!

預告一下吧!!! 我九月會再飛首爾啊!!
諗起都開心爆啊!!! hee.....

With Love,
＊不正妹＊ＰｒｉＭａｙｙ＊
Email: primayy.blogger@gmail.com



相關文章:
2012白色情人節 Day 1 - 大風雪都要趕及小樽雪祭, 浪漫一番? 忍痛一番?http://freshprimayy.theztyle.com/home.php?mod=space&uid=25007&do=blog&id=142694

2012白色情人節 Day 2 - 來到<北海道>怎能夠不體驗"白之戀人" 呢??http://freshprimayy.theztyle.com/home.php?mod=space&uid=25007&do=blog&id=143387

2012白色情人節 Day 3 - "豪"爆+心慌慌之拍拖五周年情人節http://www.theztyle.com/home.php?mod=space&uid=25007&do=blog&id=144866

2012白色情人節 Day 4 - 親親熊寶寶! 太可愛了!!!　親親大自然!太舒服了!!!http://www.theztyle.com/home.php?mod=space&uid=25007&do=blog&id=147222

2012白色情人節 Day 5 - 大風雪差點破壞了我跟企鵝的約會 ><"http://www.theztyle.com/home.php?mod=space&uid=25007&do=blog&id=150154


2012白色情人節 Day 6 - Hea遊Hea食 @ 殺破狼
http://www.theztyle.com/home.php?mod=space&uid=25007&do=blog&id=151167

[歪妹愛旅行] 2012白色情人節 Day 6 - Hea遊Hea食 @ 殺破狼

出走左好多日啦! 今日決定訓晏d, 然後在市內遊走啦!
出門已經是中午時份! 我地首先去左北海道大學散下步啦!



這樣的道路是你響往踏上的嗎???
這個是必到景點吧! 影返張先!! ^v^



來到這裡, 還是給我遇見我的剋星--烏鴉...好邪惡呀佢地!!!



回頭路經了北海道市廳呢!



剛結束的雪祭, 還有冰雕keep著呢!!!






這個情景在香港很久沒見到啦....
大家有無看到近日facebook流傳的相片?
就是住戶投訴雀仔叫聲太嘈的通告,
香港人對大自然太克薄了, 為何一點生存空間都不留給牠們呢?

其實每次去旅行, 除左喜愛周圍影相, 其次就是食啦!
繼上次係大阪食蟹, 今次黎到北海道更加唔會miss左呢個大好機會啦!
我地今次選擇了"蟹將軍"呢!!



地下那層是接待處跟精品店, 我們要除鞋, 拿著鞋號牌才能夠搭車立上2樓入席啊!
成間鋪都無人呀!! 又係我地兩個包場! haa....不過又要盤腳食飯!
對我來說好唔習慣...累....



蟹條很鮮甜啊!!!!!!
我們叫了兩個set的! 細細件但是總能填飽我們肚子呢!
一個多小時的用餐, 已經是下午3時多啦!
今年決定會留在大通這邊shopping買下手信!
影下街頭照少不了!!! ^v^



之後就是去狸小路啦! 感覺好冷清....不是太多東西看啊!
狸小路三,四則比較多些東西看, 這裡絕大部份都是做遊客生意呢!
買零食, 護膚品, 日用品, 紀念品等等,



反而在附近行, 有不少熟悉的品牌店鋪, 有點原宿感覺的街道~



咁凍... 點解d女仔仲可以露肉架....how come??!!! 我見到都震呀!!



見時間仲早, 又無咩行... 咁不於鼠返去地下街啦!!
地下街仲多野行! 又多商場... ha!! 不過, 我隻肥仔唔終於行街..
所以我都無得點睇... 亦買唔到d咩呢...
無神神又tea下啦!! Sapporo Sweets Cafe 在這裡很有人氣的啊!!
我地叫了兩件cake啊!! 朱古力及栗子走不了! 還有喝dark chocolate啊! 75% pls~~
but覺得麻麻地,,, d cake就okey!



食完成5點幾啦! 又開始行行行~買手信啦! 買左1個鐘好攰呢!!!
收獲? 全都都是同事朋友的手信呢~都是食為多!
還有, 少不了去asics朝聖, 因為daddy喜愛長跑,
每次來日本都要我買跑鞋給他, 近排說腳痛, 所以我沒買戰鞋給他,
反而買了有避震, for他練習用~



7點啦!! 去食飯吧!!在北海道最後一餐晚餐啦!
決定去"七福神"食燒海鮮呢! 這個上網看很出名, 很多人都會來試~
這裡的店員會教你怎樣去燒, 然後就等大家顯身手啦!
我們也來湊熱鬧! 好日本呀! 好喜歡啊!
唯油煙一定很大啦! 要跟唔識的人同桌啦!
不過, 這才能感受到當地人的熱情!


跟我們同桌的分別有3pair人, 有一對是年輕的情侶,
有一對是年青夫婦 ,  一對是老年夫婦, 大家都各不認識,
卻因為在這裡用膳, 傾起計來, 我們不懂日語的,
只能微笑對待, 看著他們相認為同鄉, 一杯杯啤酒喝下去,
感覺很奇妙! 在香港應該很少有這個情況出現!
在大陸, 日本, 韓國都見過類似的情況,
他們都不避忌陌生人, 很好客, 很隨和....
可能是他們國家都很大, 分不同省份, 內陸遊很普及,
很易就能夠認識新朋友~ 突然間, 羨慕起來呢! ^v^



飲飽食醉就要返酒店啦!! 今天決定行地面了!
其實大通走過來不算遠, 就一條直路,
空氣好很多! 地下街晚上太死寂啦! 空氣又不流通~
途經雪印呢! 原來是北海道名物啊! 不過已經關門, 沒機會試它的icecream添!
我們明天中午機回大阪轉機返香港!
最後一天.... 我們還是要早起來啊!
因為機場新開了一個"多啦A夢樂園"!
對於充滿童真的我倆一定要見下叮噹啦!
這幾天肥仔口中掛著的"殺破狼" 要講拜拜啦!!!!
好希望快些又來跟你見面呢!!!!!!
大家想看多啦A夢就等下我啦!!! 下一篇會跟大家分享! ^V^

WITH LOVE,
＊不正妹＊ＰｒｉＭａｙｙ＊
email: primayy.blogger@gmail.com

有關文章：
2012白色情人節 Day 1 - 大風雪都要趕及小樽雪祭, 浪漫一番? 忍痛一番?http://freshprimayy.theztyle.com/home.php?mod=space&uid=25007&do=blog&id=142694

2012白色情人節 Day 2 - 來到<北海道>怎能夠不體驗"白之戀人" 呢??http://freshprimayy.theztyle.com/home.php?mod=space&uid=25007&do=blog&id=143387

2012白色情人節 Day 3 - "豪"爆+心慌慌之拍拖五周年情人節http://www.theztyle.com/home.php?mod=space&uid=25007&do=blog&id=144866
2012白色情人節 Day 4 - 親親熊寶寶! 太可愛了!!!　親親大自然!太舒服了!!!http://www.theztyle.com/home.php?mod=space&uid=25007&do=blog&id=147222
2012白色情人節 Day 5 - 大風雪差點破壞了我跟企鵝的約會 ><"http://www.theztyle.com/home.php?mod=space&uid=25007&do=blog&id=150154

[歪妹愛旅行] 2012白色情人節 Day 2 - 來到<北海道>怎能夠不體驗"白之戀人" 呢??

同行的海綿寶寶都累了吧!! 今天就訓晏少少, 在札幌市內hea下吧!
今天的行程一點都不辛苦啊! 目的地就是這裡啦!!!
北海道很出名的"白之戀人"工場啊! Chocolate Factory!!
ha!! 不正妹最愛吃朱古力啊!!! 所以我好興奮啊!!!



離遠看已知道工場在那裡了! 很大個LED字幕呢!
工場外有很多可愛的貓貓啊!! 是這裡的吉祥物嗎??



門口的大閘關起來是一個LOGO來啊!!就是那隻貓貓啊!!!

 



這裡也有郵遞服務, 可惜只限於日本境內呢!! 無緣....><




人有三急, 一黎到就光顧個洗手間先啦!!
好美的啊!!! 日本人真看很講究!!

 



然後當然是買PASS啦!!! 其實一般參觀可以不用買PASS的!
不過我事前已做了RESEARCH, 今次到來是想參加這裡的"白之戀人"體驗班,
參與這裡COURSE都需要有PASS在手啊!!
我地一來到, 原來剛好這段時間開班了, 所以飛快報完名就上去工作室啦!

 



動手之前, 當然要攪衛生啦! 我們要著圍裙, 換鞋, 帶廚師帽!
然後去洗手, 消毒, 抺乾手才能入去啊!!
有職員已經幫我地預備好材料啦!!
立即可以動手啦!!! 想了一陣, 怎樣畫好呢.....
大家都好認真去做呢!!! 不過D朱古力都乾得好快..
停了一陣就彰住左個嘴, 要啜下整溶佢再繼續畫, 差不多30-45MINS左右就完成啦!!

登登登登...........

 



我和豬仔的作品啊!!! 用來紀念這次"白色情人節" 暨 "拍拖5周年大日子"啊!
有意思的啊!!! 很喜歡啊! 我倆的英文字名合併出來啊!
可惜餅餅品賞期是一個星期咋!!
即是我們離開日本返香港那天要食左佢!!
當然哂左心機整佢地出黎要同佢地影下相仔啦!

 



焗完出來是, 職員叫我們在紙袋上寫上名字, 幫我們包得靚靚咁拎走架!
唔怕拎錯左!!  日本出名注重包裝~確實名不虛傳!
洗完手換返衫係時候TEA一TEA啦!!!
好HUNGRY...雖然一路做時, 不斷偷吃那些朱古力..HEE....早有預謀要黎呢度食"朱古力火鍋"




我們專登選擇窗邊位的TABLE, 面對著鐘樓, 藍藍的天空, 好到不得了!
天氣好心情也好! 太陽光曬進來, 好舒服... HEA的感覺更加強烈!! ^V^
我們還點了EGG ROLL食啊!!! 食到好飽呢!! 豐富的下午茶!!!

 



吃過後, 就隨意走走, 其實這裡有2座BUILDING組成,
中間位置是一個花園啊!! 有很多地方可以拍照的!
我們就在寒冷的天氣下, 在公園影相啦!!
途中遇見不少中國人及香港人, 他們都是跟團來的,
看見他們走馬看花, 我們更享受自遊行的隨意呢!

 



差不多入黑了!! 我們就去買些紀念品, 也不外乎是吃的!
朱古力, EGG ROLL等等!!!
好像來到北海道不幫襯"白之戀人"就白走了似的!


因為酒店方便的關係, 我們就先回酒店休息一下, 放低D野食先!
然後我們再出發嘍!!! 剛好出發前一星期的"U Magazine"介紹北海道的食店,
我們就即管來試試其中一間! 感覺這幾天都應該食海鮮,魚生,拉面多,
所以我們選擇了食"咖哩"!!!
這間restaurant叫做 "Curry Yellow", 位置有些少難找,
因為在一個露天停車場內, 不是大街內, 是小巷內的!


menu有中文, 韓文跟英文, 聽說這裡的老闆很熱愛香港文化的啊!!
還計劃遲d來香港開分店呢! 我們就按雜誌上的推介, 點了兩款咖哩飯!
菜未到就周圍望, 全部都是日本人, 原來有份吸煙區及非吸煙區呢!
本人覺得吸煙區內的環境靚d! hee....
yup!!! 有WI-FI啊!! 上下網先!!!!!!!!



大約等了十分鐘左右, 咖哩飯到啦!!!
肥仔個碗唔錯... 我個碗就..........我靠D咖哩食哂D飯咋!
因為主菜是牛腸, 但原來我是不喜歡吃它的....好油呢...
一試才知....V.V.......浪費了.............




點解介紹咁多間, 我會選擇這裡呢... 皆因有些特色...
店主將他喜愛的音樂跟大家分享, WEEKEND還會有DJ在場啊!!




食完飯九點幾, 我們決定行地下街返酒店, 順便SHOPPING...
點知大部份的商店已經關門了.....有點死城FEEL了...
還是不甘心的, 走點酒店附近, 還是找了一間CAFE坐下來,
專門做綠茶飲品的, 店子叫"Green Tea"
好彩酒店附近有幾間11pm才關門的cafe....

 



11點才肯返酒店...卡卡.........不過第3天的行程要早起的,
因為要去一個好遠的地方, 而且會過一晚野啊!
事前已經預左這天要豪吃豪住, 因為明天就是2月14號, 我們的大日子啊!!
好期待呢!!! 發生了好大件事....嚇親了....hee....有點茫然....
大家密切留意, 繼續收看啦!!!^v^

WITH LOVE,
＊不正妹＊ＰｒｉＭａ＊


相關文章:2012白色情人節 Day 1 - 大風雪都要趕及小樽雪祭, 浪漫一番? 忍痛一番?http://www.theztyle.com/home.php?mod=space&uid=25007&do=blog&id=142694