[歪妹愛尋食] ＊~嗜甜為樂 : 專試浮誇甜品? 心太軟鐵粉絲?~＊

上兩個星期頻頻出街食飯! 所以近排都可以跟大家分享一下尋食報告啦!
今次主題是甜品! 自從小件搬離了九龍區就很少到油尖旺尋食啦!
今次就同大家分享一下旺角兩間新式甜品店，
還有之前去元朗試過的一間特式甜品店啦！

Pheromone Dessert
相信大家現在都會常踏足白布街了吧！
不知何時開始，那麼多甜品店進駐這裡。
不正妹對上一次來是光顧辛安東元祖奶奶雞，
都應該成年前的事情了！那時還未見有這間甜品店。

還以為這裡地方細小到嚇人，原來還有樓上那層，
行經這條長樓梯很令人開心愉快，像進入了繽紛的糖果世界！
很多馬卡龍出現在我眼前呢！

係咪好想食左佢！最喜愛看見這些Colourful的東西！
立即開心哂！

在角落頭位置還看見這個擺設Display!
好豐富！好似開Party咁！好想快Ｄ食！
但甜品需時，確實需要時間等待。

等待期間發生小插曲！突然伸手不見五指！
嚇死人呀！立即開個iphone芒先，應該是跳制吧！
等了2-3分鐘左右就開返燈！可能唐樓關係電力都差啲？
餐具都用上特別有趣的設計！ 

布朗尼綿花堡 (HK$68)
看Menu時一眼愛上它！小妹確實喜愛浮誇的東西！
韓國勁Hit食綿花糖，香港不少店子亦都先後搶閘熱潮呢！
大家可能有個疑問，究竟是否好看但不好吃呢？
我就來試試它吧！首先，雪糕可以選擇口味的，
我點了曲奇味雪糕，他們會配搭士多啤梨味綿花糖。

杯子裡面放滿杏片及可可脆，完全遮住左布朗尼呢！
卷著綿花糖的是朱古力棒棒！
首先從綿花糖開始，我痴線架！其實我想講真係幾甜同幾漏下！
但我食哂！已經飽甜到漏左一半啦！
布朗尼入面有我不喜愛的合桃！
但我好叻女！吞哂落肚呀！
整體來說，都算不錯！
綿花糖及雪糕有助把可可及布朗尼全軍覆沒。

綠茶雪糕＋原味窩夫 (HK$88)
小件每去一間新甜品屋，一定試心太軟！
因為他是心太軟Fans！而且跟我一樣是綠茶怪！
所以就點了這個啦！入面朱古力有少許流心啦！

但不算太多流質朱古力啦！味道一般！
雪糕幾好味！不是Die Head GreenTea啦！清淡的綠茶味。
反而幾欣賞他們的窩夫餅，外脆內綿！又唔會太咸～唔錯！

Joyful Dessert
因為去完Pheromone Dessert離開時發現了這間甜品店，
第二天吃完晚飯就來試下這間甜品啦！

九時左右到，已見Full House，等左5分鐘左右有位。
外面都有椅子可以坐著等位架！

Baileys梳乎厘 (HK$48)
如果飲酒的話，我是一定會選擇Baileys或者白酒的。
所以一見到這個甜品有Baileys就鐵定要吃這個啦！
真係食得出的Baileys味，不過我有個疑問，
我知疏乎厘係要落砂糖，但係焗完砂糖還會一粒粒咬到出來嗎？
勍是每吃一口都有砂糖！

我有仔細留意到砂糖是在杯邊，
我想應該是防止梳乎厘痴住隻杯邊升唔起吧！
不過放得Over左呀！裡面好軟滑啊！
但這個好惹痰呀！超甜！但好好味！

綠茶心太軟伴雪糕 (HK$58)
這個絕對是Classic Japanese Feel！
紅豆的出現，連雪糕也是綠茶味。
心太軟雖然是綠茶味，但奶味和甜味蓋過哂綠茶味，
這個有些少失望啦！

這個心太軟夠唔夠軟？看圖都知道夠軟吧！
軟度算是合格的心太軟啦！



Honey Secret 蜜密
話咁快介紹到第三間甜品店啦！
三間之中，不講地方環境，只講食物質素，
我最愛這間！

這間地方細小，就一間長方形的鋪位。
當天平日去，不用等位。

Honey Secret (HK$98)
我點了他們的招牌甜品 - Honey Secret，
看Menu的圖片已感受到有幾浮誇！
估唔到小小的甜品店會製作出這麼有誠意的作品。

用糖醬勾劃了一個雕花波波出來呢!
在我眼中確實是一件極度浮誇的事情。
這個甜品就像一件藝術品！

店員教我們何如入手吃這個充滿神秘感的甜品。

Step 1 : 將糖醬波波弄碎，跟裡面的一口酥一起吃。

Step 2 : 將碟上的生果撈杯底裡的朱古力一起吃。

按著這個吃法，你會感受到不一樣的甜味，
酥餅有點咸，令你感受到咸食的甜味。
之後生果配朱古力一定是最穩妥的組合，開始感受到甜食的甜味啦！
(如果生果可以多些少便好啦!!!!)
間中來一口云尼拿雪糕中和一下甜味，
很快便吃下整個甜品又不會過於甜膩，這就是它的秘密嗎？

和風抺茶心太軟配豆腐味雪糕 (HK$52)
抺茶配紅豆永遠是最佳拍檔! 但紅豆不需要多，因為主角是抺茶！
正因如此，雪糕也限於一款口味，就是豆腐味雪糕啦！

清清地不會搶掉抺茶味！除了綠葉扶持，本身抺茶就已經非常突出！
極度濃郁的抺茶味！是暫時試過最令我深刻印象，一嚐難忘的抺茶心太軟！
質地非常杰身，絕對是真材實料！

嘩！一口氣分享了三間人氣甜品店的甜品！
感覺甜到漏嗎？哈哈！
希望大家喜歡今次不正妹的 "嗜食為樂"的分享！
下次食好野或者試新野再跟大家分享啦！
下次見！拜~~~


Pheromone Dessert
旺角白布街藝興大廈8號地舖
http://www.openrice.com/zh/hongkong/restaurant/%E6%97%BA%E8%A7%92-pheromone-dessert/187973?s=3

Joyful Dessert
旺角黑布街74號藝興大廈地下2及3號舖
http://www.openrice.com/zh/hongkong/restaurant/%E6%97%BA%E8%A7%92-joyful-dessert-house/171276?s=3

Honey Secret 蜜密
元朗鳳攸東街9號好順意大廈B座地下15號舖
http://www.openrice.com/zh/hongkong/restaurant/%E5%85%83%E6%9C%97-%E8%9C%9C%E5%AF%86/176557?tc=sr1
 

不正妹 Email: primayy.blogger@gmail.com
不正妹 Facebook : https://www.facebook.com/BloggerPriMaK
不正妹 IG : http://instagram.com/primayy
不正妹愛犬 Facebook - 紳士魔※MoagUs : https://www.facebook.com/gentlemoagus

[歪妹愛尋食] ＊~有緣相見! TOGETHER西日式放題~＊

天大的壞消息! 繼發現屋企部冷氣機壞左之後，
又到電磁爐壞左！踏入2015年，諸事不順呀！
打去約維修，要等到月尾才有師傅來！
我已經維持了無住家飯食的日子差不多大半個月啦！
激死....好掛住飯香味呀！嗚嗚.....

星期一小件放假，我們約左人在元朗站交收，就順便在元朗食飯啦！
一般入到元朗都會喜愛選擇食日本野！今日就來試下西日式放題啦！
對於我來說這一帶都是陌生的，因為小件親戚住元朗，佢熟路D~
今次佢帶路尋食啦！(肥仔還是愛任食的)

雖說西日式放題，但還是日式選擇比較多。
而且還有火鍋添呀！
另外加HK$68仲可以任食生蠔和蟹呢！
但是小件不太好蠔，所以就無額外加錢啦！慳返！

戒口中的我，睇住小件食這個金菇肥牛卷，真係好想打爆佢！
佢專叫Ｄ我唔食得的東西！仲勁讚這個好入味！

這個麻辣一口帆立貝(帶子)勁四川風味，本身我想食，
小件已經阻止我，並且懶犧牲地食哂！食到標眼水！真係好辣喎！
 

每次食放題，刺身都是最Concern的！
都幾新鮮！都算厚切，不過有個現象出現左！
每次叫帶子相同數量的帶子，但每次上枱時的切法及數量都不同！

我都知道這是任食場，不過我們又不是沒節制胡亂Order，
而且數量也不是過份地多，為什麼會有這個情況出現呢？
第一次來的是正正常常跟我們點的數量一致，都是四件。
第二次來卻將一隻帶子切成四舊，
第三次來完整的只來了兩隻帶子。
究竟是切刺身的人不同，所以切法不同，還是什麼原因？奇怪...

手拳只試了這個海膽三文魚手卷，如果多些海膽就好啦！
感覺少左D啦!

這裡的壽司不是機整架! 飯是人手搓出來的!

最得我歡心一定是燒蠔啦! 蠔上面是沙律醬，不是芝士啊！
甜甜的，好味道！

最後，我們想食返Ｄ熱食暖下個胃！點知中招添！
估唔到佢個火鍋真係堅架！唔係細細個，都幾大架！
我們只是點了些菜及肥牛，估唔到上勁多份量！確實真材實料！
如果你們來光顧，記得啦！不要點太多，免得浪費自已又食唔哂啊！

最攪笑的事情發生了！唔知大家有無試過點錯野！
任食場總是會發生的事情，本來是想點三隻味道的大蝦，
點知小件原來點錯了上一個Item，變左三隻味道的羊扒。
最抵死是食落都唔知係羊黎！好軟身的羊扒！
大家唔係好食羊都可以試下，真係完全唔覺得佢係羊黎！
而且味道好入味添！

蝦碌的一餐晚飯就在這裡畫上句號啦！
我們為免浪費，食哂Ｄ羊扒！真係好飽！XD
好啦！尋食完畢！下次再會啦～

TOGETHER緣聚
元朗西菁街好順泰大廈地下35號舖
http://www.openrice.com/zh/hongkong/restaurant/%E5%85%83%E6%9C%97-%E7%B7%A3%E8%81%9A/53662?region=0&s=3

不正妹 Email: primayy.blogger@gmail.com
不正妹 Facebook : https://www.facebook.com/BloggerPriMaK
不正妹 IG : http://instagram.com/primayy
不正妹愛犬 Facebook - 紳士魔※MoagUs : https://www.facebook.com/gentlemoagus

[歪妹愛尋食] ＊~任飲任食之中日韓味校長燒肉~＊

今日小件放假，說在荃灣吃到悶悶地，不於入去元朗尋食！
難得咁有興致，二話不說就搭西鐵出發啦！荃灣入去都係15分鐘咋嘛!
其實我們可以去到元朗站或朗屏站行10-15分鐘落去大馬路，
但我們放工後太攰啦！所以選擇在元朗站轉輕鐵，
原來有轉乘優惠架！輕鐵免車費！^^

我們行左去千色匯附近，見到呢間排緊隊，心諗唔通好好食？咁我地就排埋一份啦! 說真的.....我真係好耐無光顧過這類任食任飲場啦!
確實有點興奮呢!!!

七點半準時入座，場內環境都算大，唔知做咩要有咁多飛機做裝飾！主題？
我們就是坐在靠近窗邊的卡位，總算是有梳化坐！
GOOD~~~~~~~

職員帶我們坐低之後，就跟我們講解食具用法啦！
枱上的大碟是用來放生肉的，其它熟食可以用外面的長方型小碟盛載。
如果食用時發現有食具不足，可以通知職員拿取所需。

枱上有豉油，海鹽同埋辣粉，如果你額外要什麼調味，就要問下職員有無啦！

聽完講解就出動啦！睇下有咩好食先！
靠近我們的是壽司及刺身Bar，每次限拿最多三種刺身，
有蝦，三文魚，希靈魚，蟹柳，螺肉，帶子等。
仲見到有日式沙律添！

再行過Ｄ就是生肉類啦！都幾多選擇架！
因為呢度主打韓日式，所以你會發現港式得來，又會有些食物好韓式又好日式咁！
好似雪花肥牛好港式吧！但你又會見到好韓式的五花腩！
但係又會有日式的豚肉片！絕對有一款岩你口味。

然後就有熟食類跟小食類啦！
當肉未燒熟時，你又好想食野好肚餓，
這這個時候就是熟食幫到忙啦！
而且有菜食添！等我們可以均衡飲食下！
唔好只係食肉～
而小食更加Good Idea啦！個蜜糖雞超好味呀！
送下啤酒汽水，一路燒肉一路吹下水。

從這裡提供的湯更加感受到店主刻意營做中日韓式菜系，
有人蔘雞湯，有味噌湯，同埋羅漢果湯。
而我咁熱愛韓風，當然試了一碗人蔘雞湯啦！
Yeah~~真係有雞肉同杞子架！雖然係外面大大筒的時候好似好少料好稀咁！
但飲落都算係足料架啦！

飲品方面呢！有汽水，有雪梨茶，有冰紅茶....
仲有甜品同雪糕呀！有啫喱，泡芙，Cake～
雪糕得兩款選擇，云尼拿同朱古力，是牛奶公司來呀！

我們upgrade左，可以任食生蠔同松葉蟹腳!蟹肉確實唔錯，幾鮮甜！但係Ｄ蠔就勁多沙，這個有待改善....

最驚喜係特別有抽獎，每人抽一次！
我真係無抽獎運，無中獎！
而小件就中左阿根庭大紅蝦一隻！
因為我皮膚敏感，蝦同牛肉都食唔到呀！
嗚。。。。。。。

不過，我的小件就有口福啦！我唔食個Ｄ就佢食哂！
我們一致認為豬肉及雞肉都好好味！
但小件說這裡的牛肉麻麻，好多筋咬唔開咁！
我反而喜愛吃九菜同翠肉瓜啊！
小件就飲無咖啡因的Cream Soda，而我就飲冰糖雪梨！
整體上尚算不錯啦！任飲任食場有這個質素算係咁啦！
職員都好細心，主動提我們要換個張燒紙，個張燒紙可以任換架！
所以大家有需要就出聲啦！大致上就係咁啦！
尋食報告完畢！Over!!! ^^

校長燒肉日韓料理
地址：元朗西菁街389號富達廣場地下G14號舖
Openrice : http://www.openrice.com/zh/hongkong/restaurant/%E5%85%83%E6%9C%97-%E6%A0%A1%E9%95%B7%E7%87%92%E8%82%89%E6%97%A5%E9%9F%93%E6%96%99%E7%90%86/160158

不正妹 Email: primayy.blogger@gmail.com不正妹 Facebook : https://www.facebook.com/BloggerPriMaK
不正妹 IG : http://instagram.com/primayy
不正妹愛犬 Facebook - 紳士魔※MoagUs : https://www.facebook.com/gentlemoagus