[歪妹愛美麗] $900 無機做的Facial? 作為拜拜的感謝禮?!

兩年前, 我join了悅容莊, 還記得年少無知的我,
一join就放下一皮~買了百個格仔~因為真係好想整靚塊面~
點知就每次去都要激動一次, 每次去都有BA俾建議我,
叫我今次做D咩Facial對我有幫助, 但係又話我d格仔唔包呢個treatment
不過第一次可以俾我扣格仔, 試下個效果先~
每次都係咁.. 我個心真係好唔舒服.. 佢地仲要講到好委屈, 專登俾我試做
點解一開始個plan又唔包? 點解一開始就唔suggest d 真係適合我的treatment?
點解要咁對我呀??? 每次去都hard sell d佢唔包我o既treatment,
又話以優惠價俾我~ 我已經將我可以放得出黎o既錢分期俾你,
係你度做treatment, 但係原來只係俾左首期咋~係一個陷阱!!
我對佢地好反感!!! 慚慚我就唔係好勤力上去啦~~

幾經辛苦, 我終於得返九個格仔~ 前日上左去做facial
諗住快d清左佢~ 今次亦都係佢地主動打黎remind我好耐無去,
所以約個時間做facial~點知... 又係為了hard sell我~
想我俾多d錢佢地加格仔~我其實對住佢地已經好平心靜氣了
因為呢兩年黎~要爆O既都爆過, 佢亦搵過最少5個女人SELL我
今次轉左去第間分店, 係第6個女人SELL我~
佢地講野的方式, 完全聽不進耳來~
可能我已經好討厭佢地~我下定決心同佢地SAY GOODBYE
所以一次過做哂九個格仔去都無所謂~
講完出出TRIP曬過甩皮,暗粒多左~
加上之前見藥房返左新貨, 呢支藥膏FROM 韓國的~
又買黎試下~ 點知原來副作用係會甩皮~





因為呢個廣告, ATTRACT左我買佢返屋企~

依家塊面VERY DRY, 所以想做去印同保濕~
竟然獅子開大口, 話做絲蛋白個個啦!就扣你九個格仔~
我之前做幾多正TREATMENT都唔駛扣九個格仔咁多架!
我第一個自然反應就係話 "咩咁鬼架?!"
佢話有3支精華, 個度都成4舊水架!
仲話我.. "其實你D 格仔過左期架啦~"
好好笑...我JOIN個時 你話可以俾我EXTENT,
今次又係你CALL我上黎.. 係過左期就唔好打俾我啦~
我都唔想爭持, 算啦~~由得你~就呢個~快快手上房~!

之後個美容師就帶我上房啦~
呢個女仔的手勢都唔錯, 仲唔係好同我講野,等我可以訓下
但係太耐無做啦..針清個時真係好痛.. 忍到流眼淚..
之後到導入啦~ 佢話你皮膚太乾啦~唔同你搵機碌啦~
唔夠碌....(個刻... 我真係... 我忍住..問佢:  咁你想點?!)
佢話將D精華搽上面, 連COLLENGE MASK一齊敷~
有D搽埋落條頸度敷埋佢~
我話唔係有3支精華咩? 岩岩你咁同我講,
佢話唔係.. 呢個TREATMENT得兩支~
被欺騙的感覺....><! 又係你地SUGGEST做呢個導入TREATMENT
以家無得碌得黎仲要係得兩支精華..SHIT!!!
唉.. 算啦~~ 我唔做都係WASTE.. 我由得你你地喜歡啦~
就咁用了一個鐘頭做了這個九百蚊的FACIAL!

之後出返去... 個個女人又SELL我啦~
仲要加句" 你做咩唔理下自已塊面?"你無野呀!?
我唔理就唔會出現係你面前啦...我都忍.. 我話你唔好再問啦,
你答左你D同事前前後後都好多次
佢再SELL我買D 醫學美容的MASK返屋企做啦~
我問邊度退LOCKER拿返D錢~
THEN 就SAY GOODBYE啦!
我唔會再上當架啦!!! 拜拜!!!!
 

 

返到屋企,一望住自已塊面.. 好多紅印...尤其個NOSE~

立即搵野敷下佢~~~我好懶架.. 敷住先啦~
初時買佢, 因為覺得方便, 一塊入面有哂TONER同ESSENSE~
唔知有無SISTER用過呢?
我覺得好攪笑呀~佢盒而有D一粒粒突起...
好似係俾盲人摸黎, 等佢地知道係咩黎~










唉... 好唔開心呀!!! 第日放工立即去了MANNING買了些美白保濕的~
希望持之而行, 可以慢慢改善到D SKIN啦~~



不正妹PriMa Email: primayy.blogger@gmail.com