今天加插一下<香港本地遊>先!
不正妹好細個就搬左入青衣住, 可以話係由細住到大!
所以就算我搬離左青衣, 心還繫住青衣架!
對於青衣所有人,物, 事都非常關注!
前幾年, 遠眺的3支煙囪拆了, 已夠我心痛死了!
環境不斷轉變, 令我更珍惜現在擁有的!
母親節那天, 媽媽說天后誕要落戲柵裝香, 順便去買糖水食!
我們當然把握機會去湊熱鬧啦!!!
戲柵一如以往咁熱鬧, 看有看的, 玩有玩的, 吃有吃的~~~
當然, 首要任務係同天后娘娘請安先啦!!!
有心的就添下香油啦~~~
覺得呢排黑仔, 可以買個風車返去轉下運啊~~~
一場黎到當然睇一陣大戲啦!! 以前有D場次係免費, 依家好似全面收費~
我地無買飛的, 唔代表無得睇, 只係無位坐, 但可以企係四邊走廊睇架!
京劇亦屬於文化遺產吧!!! 不過, 新一代好少人特別留意或喜愛它!
不知道會否有一天失傳呢?! 當然不想啦...
我只會看以鬼故為題的劇目, 受DADDY影響吧!
還有他們的化妝也很吸引我呢!
細個成日恃住自已係小朋友, 細細粒就靜雞雞走入後台玩,
又或者係台下面玩捉迷藏~
真係老人家定小朋友都好投入, 比想像中多人睇呢~~~
睇左陣就落返去掃街啦~~
今年比前幾年多左好多攤檔啊~
我當然都係搵返D老街坊幫襯啦!!
有D後生仔出黎擺檔, 但係我想講..他們沒有以前的味道呢~
如果有留意到, 你會見到有某幾間鋪頭大排長龍, 有D就拍烏蠅~
好明顯大排長龍的就是以前擺街邊的車仔檔啦!!
因為衛生及安全問題, 政府幾年前已立法嚴禁在街邊擺小食檔,
嚴厲打擊下, 他們都消聲匿跡左~
依家想試佢地的美食, 就只有一年一次的大戲柵見啦!
聽聞以前買菠蘿冰個位叔叔已經離開左啦...
呢檔魚肉翅都幾出名架~ 我認得叔叔個樣~~
青衣出名串燒絕對唔係呢D檔仔, 而係有個菲藉的男人用擔挑挑住個炭爐走混成個青衣,
不斷叫住"沙爹!沙爹!" 個個流動炭爐就最好味啦! 最重要係佢個沙爹醬真係好好味架!
細個我成日都食大菜糕架!! 仲要係玩具蛋穀個隻!
所以一見到就買左個食~呵呵~水準唔錯!!!
冰涼暢快啊~~~~~
呢檔以前未見過, 不過好多人排隊, 唔知係咪咁好食啦!
但係就幾特別, 見住佢打D雞蛋落去, 再加D麵粉~好似好易整咁~
中學時代成日幫襯呢檔雞翼尖架!
好辣添~~ 不過好惹味架!!!
呢檔仲堅, 小學就開始幫襯佢, 呢位阿姐以前住我樓下,
成日搭車立撞到佢架!!! 佢D糖水同甜品一流!
喜愛吃她整的砵仔糕同埋芝麻糊! ^V^
食完野又周圍行, 睇下野~~~
好多懷舊小食同埋懷舊玩具賣~~
點知幾條友竟然玩吹波糖啊!!!
我第一次見...媽咪都話未見過~~神奇呢~~~
呢位叔叔不斷整D公仔的吹波糖出黎!
不過, 我地買現成一舊, 成粒大蝌蚪咁~拎上手超熱啊!!
要立即係條尾尾個度吹, 如果唔係凍左就吹唔漲架啦!!
吹漲左仲有多支公仔形的吹波糖送俾我地!
戰績公報~~呵呵.....
入一入去就消磨了個半鐘LU~~~
時間真係過得快, 又要等下年先有得黎玩LU~~~
希望呢個傳統能夠繼續維持落去啦!! 好想年年都黎呢度又食又玩! HEE....
今次分享到呢度啦!!! 希望大家都喜歡啦~
如果大家都想黎參與呢個盛會, 記住下年留意下啦!
因為今晚係最後一晚了~~ 明年請早LU~~ ^V^
With Love,
＊不正妹＊ＰｒｉＭａｙｙ＊
Email: primayy.blogger@gmail.com
不正妹 Facebook www.facebook.com/BloggerPriMaK
不正妹 Weibo http://www.weibo.com/primayy
不正妹 Twitter http://twitter.com/PriMayy
不正妹 Facebook www.facebook.com/BloggerPriMaK
不正妹 Weibo http://www.weibo.com/primayy
不正妹 Twitter http://twitter.com/PriMayy
沒有留言:
張貼留言