秋天跟肥仔講到依家，佢終於肯陪我入黎行下！
今日天氣好好，但真係好熱.....
今次我地係馬料水碼頭搭船入去，大約個半鐘度入到去塔門。
假日班次會開多一班，我地選擇了12:30pm那班船入去~一程$28~
船表: http://www.td.gov.hk/tc/transport_in_hong_kong/public_transport/ferries/service_details/index.html#k04
開船不久，發現了這個微小島！好正呀！自已一個曬太陽，無其他人騷擾你！
因為途中有幾個中途站，感覺船程不是太耐！轉眼間就到塔門啦！
第一時間落船去洗手間，衛生情況竟然不錯播!
然後就向島的左手面進發啦！
已經見到貝殼飾物及自製醎魚啦!
因為我們吃過東西才過來，所以我們在士多買了支凍菊花茶，兩件鮮菠蘿冰就向後山進發啦！
塔門其實不大，就是圍著走一圈只需2小時左右!
而我就選擇了從天后廟那邊上後山，這邊上山會快些到達後山的啊！
天后廟旁邊有一條小石級，地上寫著＂往山頂＂，
就是這裡行上去啦！途經會看到青年會跟瓊林學校。
一路行指示牌都很清淅，而且小徑都鋪得很好，很易行的！
好彩肥仔有先見之明，帶定遮咋！一路行發現旁邊跟頭頂滿佈蜘蛛網呀！
好恐怖呀!! D 蜘蛛仲要好大隻~~~><
不用半小時已經抵達後山啦! 好大塊草原！好大個斜坡呀！
正正對住個海～見到呢個景就好興奮呀！
這裡得一個涼亨咋！所以絕對唔夠咁多人企～
所以有人會帶埋WILD CAMP用的TANT來遮太陽~
得我地兩個人，唯有自拍啦！
WA~~~一離開左把遮，真係開唔到雙眼呀～
陽光太猛了！！！
來到這裡，怎能夠唔坐下懸崖邊影返張相先！
不過，要小心Ｄ啊！
在斜坡沿路行都很容易被風箏線割傷呀！
有些技術不好的人，風箏飛不起來，條風箏線打橫走！
見到都恐怖啊！記住要一眼關七啊！
我細個被風箏線割傷過，真係又痕又痛！
我地一氣呵成，落埋石灘玩水，但逗留時間真係唔能夠太耐，因為烈日當空呢！
然後，我地係路邊搵Ｄ樹蔭遮到的地方坐低抖涼！
真係好驚中暑呀！菊花茶就咁ＫＯ左！
我地唔係wild camp，唔係野餐，又唔係放風箏！
致在親親大自然，黎呼吸下新鮮空氣，行下出身汗！
無咩好做啦～haa....
抖左一陣決定再上路啦！肥仔話想食下午茶！
所以我地努力行埋餘下的路程！
好快就俾我地見到牛牛啦！
佢地唔怕人架！不過就屙到成地屎囉！
沿路都很多休息的地方，仲有人紮營添呀！
係度訓緊晏覺～
無論什麼角度望落石灘都很美啊！
差不多行左3分2路程，開始下山啦!
沿著海邊還有好一段直路要走，不過不用擔心，
木板地很好行的！還途經一個小碼頭呢！
十分鐘左右就到漁民新村啦！
這村落好細，好快就行返去碼頭啦！
肥仔立即腳步神速，入toilet洗返個面就去食tea啦!
佢好想嘆冷氣就真! ha......
我地想叫麵架... 點知佢話得返d小食咋!
當時4點鐘...咁早就無...><
最後叫左個西多士同兩碗豆腐花!
少不了凍飲啦! 個咸檸茶好味啊~~
本來想搭5點半班船出返去馬料水，但真係等唔到咁耐！又熱又攰....
所以我地搭4點4班船出西貢黃石碼頭，再轉巴士出返去彩虹啦！
塔門出去黃石的船飛平一半－$14咋!
碼頭都有大飛搭$20 /位~ 但肥仔話驚嘔，
所以搭返大船好了！
等車時發現了旁邊燒烤場的風景很美啊～最後影多張相先走人～
今日行程就完結lu~落左咁多日雨，終於有日好陽光！
好彩來了郊遊咋！之後個2個星期係咁keep住落雨，
想出街都難(懶)啦~~ hee......
不正妹今日分享到這裡啦! 希望大家喜歡今次的本地遊啦!
下次見啦~~~
With Love,
＊不正妹＊ＰｒｉＭａｙｙ＊
Email: primayy.blogger@gmail.com
不正妹 Facebook www.facebook.com/BloggerPriMaK
不正妹 Weibo http://www.weibo.com/primayy
不正妹 Twitter http://twitter.com/PriMayy
不正妹 Facebook www.facebook.com/BloggerPriMaK
不正妹 Weibo http://www.weibo.com/primayy
不正妹 Twitter http://twitter.com/PriMayy
沒有留言:
張貼留言