2015年5月6日 星期三

[歪妹愛旅行] *~HAVE FUN AT SOHO MACAU~*Vlog同時上載*




Hello! "澳門油雞"來啦!  不正妹大大話話都成幾年無黎澳門啦!
今次收到SOHO MACAU的邀請,來體驗一下他們美食,
並且出席CLUB CUBIC 4周年派對,來見識一下澳門的夜生活啦!




當天到達氹仔碼頭,一出去就見到新濠天地的接駁巴士站。
來到澳門大家一定會善加利用賭場及酒店提供的接駁巴士服務,
除了方便快捷,還可以慳返不少交通費。
我們就是乘坐這類小型旅遊巴去酒店啦!



今次同行仲有我的中學同學GOBBY,大家有留意我IG都應該見過她吧!
她不是Blogger,是一名YouTuber,
她最喜愛跟大家分享天然成份的護膚品化妝品,還有她最喜愛的美甲分享。
大家有興趣可以留意一下她的Youtube Channel及Facebook Fanspage架!
俾個Like & Thumb Up佢啦!

高比生活頻道 by Gobby Hung
Youtube channel : http://www.youtube.com/gobihomu
Facebook
 : https://www.facebook.com/gobbyhappylife/

Instagram:http://instagram.com/gobihong




到埗後,我們就在新濠天地參觀了一會兒,
然後就去Hard Rock Hotel Check In啦!
但原來今晚入住率爆燈,房間已經轉為Sharaton Macau啦!
OH! MY Hard Rock! 無緣一聚啦!><



拜拜Hard Rock! 我們就步行去Sharaton Macau啦!
我們會經過這個火紅色的隧道架!太科幻Feel啦!
好彩不是藍光,唔係我們變左"阿凡達"!哈哈!



路程大約10至15分鐘左右,就在對面金莎城內。
Check In後便上房間放低個背囊,抖一陣再出發食晚飯啦!



每次出遊Room Tour唔少得啦!
先帶大家看看房間吧!我們要求了兩張單人床啊!
床褥軟硬適中啦!當晚一覺瞓天光!好舒服!



最基本的設施都有齊,冰箱內的飲品是額外收費啊!
這裡的衣架可以拿下來,不是鑲實在櫃內,太好啦!
想吹下衫,不用怕焗臭在衣櫃內。



 唔少得梳妝枱啦!留意啦!風筒是放在梳妝枱內,不是在浴室內啦!


我十分欣賞這裡的垃圾箱,很有環保意識。


到最後一Part啦!當然是每次入住酒店最期待的浴室啦!
Yeah!!一見到有浴缸就很興奮,不過當晚我倆都累到閃睡去,無享用到啦!
每一次我都非常渴望酒店送個兩支水是大支水!
因為我是口乾人士,頻頻要飲水。



因為入住時間太短啦!也沒有多餘時間去享用酒店內的設施啦!
而房間望出去視野空鄺,不過金沙城旁邊都在建設中,沒有什麼好看的景色啦!

Sheraton Macau Hotel
http://www.sheratonmacao.com/




七點左右就出發去SOHO蘇濠啦!SOHO蘇濠是特別適合愛好美食或者愛好夜遊人士而設的區域,
裡面有不同國家的美食提供,除了餐廳也有酒吧,
大家想大食一餐,還是輕食,甚至摸酒杯底談天亦可以來到這裡。





當天晚餐安排了跟幾位Blogger一起享用SOHO區內的美食。
多人一起吃飯可以試多些菜單啦!(暗歡喜中...)


我們一共試了四間餐廳的菜,包括有意大利菜,墨西哥菜,韓國菜跟港式菜。
跟大家分享一下吧!



1.Shelter Italian Bar & Restaurant這間是我最喜愛,因為佢整個生牛肉唔單止樣靚!
食落仲好味道呀!平時我不喜愛吃生牛肉,
但這裡整得好味道!生牛肉跟芝士片混在一起吃,原來咁好味架!
呢個值得推介呀!

Beef Carpaccio 
生牛肉薄片伴蘑菇、火箭菜、帕馬臣芝士及檸檬汁  (MOP168)Macceroni Camberi e Bottarga 紅蝦通心粉伴烏魚子及羅勒 (MOP198)

Shelter Italian Bar & Restaurant: www.facebook.com/macaushelter



2. El Pinball Mexican Restaurant
我一向喜愛吃墨西哥菜,尤其是Nachos,我大愛的!
說真的這裡不是我吃過最好吃的墨西哥菜啦!
但平均來說,這間是試食幾間中水準最平均的!
個RIBS好軟身,勁易入口!

Totopos con salsa roja o guacamole los dos
新鮮粟米片配烤蕃茄莎莎醬及酪梨醬 (MOP138)Quesadilla de Huitlacoche 墨西哥松露 配炸玉米粉餅、蘑菇及粟米 (MOP138)
Costillas De Cerdo 乾辣椒蜜棧豬肋骨配拔絲洋蔥 (MOP198)

El Pinball Mexican Restaurant: www.facebook.com/elpinballmexican




3. Hongjiade Korean Ginseng Soup韓家得蔘雞湯這裡蔘雞湯比較淡味,而且糯米很難整鬆散,
感覺再煲耐少少更好!但雞肉尚算嫩滑。
原味炸雞即炸上碟,熱辣辣程度爆燈,雞肉同樣嫩滑!而辣味炸雞不同之處則只是加了辣粉,
跟我往常吃的辣味韓式炸雞有點不一樣。
我建議想吃炸雞的話,就點一個原味炸雞吧!
伴碟的薯格也是賣點之一,好味呀!

Ginseng Chicken Soup
韓家得蔘雞湯 (MOP198)Fried Chicken油炸雞 (MOP180)

Hongjiade Korean: www.facebook.com/hongjiade





4. Chan Kee Roasted Goose深井陳記燒鵝來到港式菜啦!以我跟Daddy去深井總店吃過咁多次的經驗,
我絕對可以跟你說,這裡的燒鵝好味過深井個間鋪。
起碼這裡的鵝熱辣辣得來是有肉食!
另外,糖醋斑塊就普普通通啦!
鵝肝炒飯估唔到咁大塊放係飯面,
仲以為是已經切粒炒上呢!個飯炒得幾好味!
鵝肝不是我杯茶,很難置評。

Chan Kee Famous Roasted Goose 
陳記招牌燒鵝 (MOP580/全隻)Sautéed Grouper Fillet with Pineapple 菠蘿糖醋班塊 (MOP98)Goose Liver Fried Rice 鵝肝炒飯 (MOP150)
Chan Kee Roasted Goose: www.facebook.com/chankeemacau




我們邊吃飯,旁邊不斷有現場表現給食客欣賞,
如街頭舞及Live Band 等,
區內仲有GAME給大家互動玩樂,大人小朋友都岩玩架!



吃完飯九時多,我們影下相就返酒店休息下!
十一點幾又出動啦!參加
Club Cubic 4th Annv. Party!

Club Cubic位於新濠天地內,是澳門數一數二的Club之一。

Club Cubic: https://www.facebook.com/CubicCOD



我們在VIP時段已經入場了!Live Band邀請了香港樂隊Site Access來表現,
他們大玩Jazz & Post Rock Music。

Site Access: https://www.facebook.com/SiteAccess



舞台上還有外藉Dancer大跳熱舞,塗上一身金色,非常性感尤物。



當天香檳任飲,不過我們的位置太入了嗎?
常不見有服務生來添酒,害我走了兩趟出Bar枱拎酒飲。
好口喝啊!




我跟Gobby待到凌晨點半鐘才離開啊!
好可惜還是未見當晚表演的格林饒舌歌手2 Chainz出場!
聽聞他很有名氣的啊!
(此圖片是來自IG)



我們離開時,外面仍在排長龍等入場呢!
不過,我想說的是澳門夜蒲原來跟香港大不同!
香港飲酒跳舞都比較雀躍,這裡就比較著重傾談飲酒,
查實場內不斷唱Live,傾計其實都有點喊破喉嚨呢!
簡單來說就是跟星加坡差不多吧!
但比星加坡更沒趣啦!可能Rapper未出來攪氣氛的關係吧!



翌日十一點鐘便要Check Out啦!就是我們的自由時間啦!
今天行程非常簡單,就是去吃竹星麵及買手信便回香港啦!
因為要趕返去睇金像獎啦!
我們去搭新濠天地的免費穿梭巴士出返大馬路,
不知道什麼原因,成半小時一班車,排哂長龍呀!
我們見時間充裕就等下吧!怎料一等就一個小時才上到車!



GOBBY超想試這間祥記麵家,位於福隆新街街頭位置,
不難找到啊!我們等了5分鐘左右就有枱啦!




這裡出名吃蝦子麵!我們叫了招牌蝦子撈麵,豬手蝦子仲有我超喜愛吃的蜆介金莎鯪魚球啦!亮點是入面真的沒丁點刺牙肉的魚骨!每次食鯪魚球我總會插牙肉好幾次!但這裡大可以放心咬落去!這個我真心推介俾各位!去澳門可以去試下呀!


祥記麵家

地址:新馬路福隆新街68號地舖
http://www.openrice.com/zh/macau/restaurant/%E6%96%B0%E9%A6%AC%E8%B7%AF-%E7%A5%A5%E8%A8%98%E9%BA%B5%E5%AE%B6/24168



醫好個肚仔就行返去議事亭
來到澳門必去景點大三巴


但今次行得有點吃力呀!明明條路就好短,
但都用左成15分鐘先迫到上大三巴影張相,到此一遊!
我熱到要除左件線衫呀!


跟住當然是手信環節啦!只是買給家人就已經一大袋!
除左買了媽媽超愛吃的鉅記紫菜肉鬆卷,
我仲試新野呀!係懷舊版的黑芝麻餅,老餅家才有的啊!


另外,仲幫襯左英記餅家呀!英記大不同,
做Branding的效果,而且有些少創意。
雖然牛肉乾口味比起其它餅家少,
但係勝在夠特別啦!
我買左"瑤柱鮑汁豬肉乾"及"麻辣豬肉乾",
辣味得來充滿四川風味,大家下次都不妨試下。
當天不知道是什麼日子,間間餅家都做88折(2磅或以上)

英記餅家http://www.yengkee.com.mo/


買完手信就去買飲品解渴啦!
我們幫襯左這間"四海美食",
分別點了香檳咖啡香檳奶茶,香檳加在茶葉中一起沖調出來。
飲落感覺很濃滑啊!最重要解我們一時之熱。
不過略厭細杯,而且成廿蚊杯都幾貴啊!



然後我們就搭的士過返去氹仔碼頭返香港啦!
的士錢大約MOP80呀!
今次來回船都是搭金光飛航啊!
張梳化椅好大好舒服!Very Good!
不過我同GOBBY都雞啄唔斷咁傾計,無瞓過覺啦!
無計啦!平時一大班女仔出去大魚大肉,
好少可可以慢慢談心啦!
兩日一夜的澳門之旅就咁完結啦!
無去賭場,純吃喝玩樂!
希望大家喜歡今次的旅遊分享啦!
大家有興趣睇旅遊片就記得訂閱我的Youtube Channel啦!
會陸續有片Update架!See Ya!
其它澳門遊記:澳門攀山涉水狂食之旅2010http://www.theztyle.com/home.php?mod=space&uid=25007&do=blog&id=70594靚靚冰雕@威尼斯人=體驗哈爾濱零下幾十度的滋味http://www.theztyle.com/home.php?mod=space&uid=25007&do=blog&id=97365

不正妹  Email: primayy.blogger@gmail.com
不正妹 Facebook :
 https://www.facebook.com/BloggerPriMaK不正妹 IG : http://instagram.com/primayy不正妹 YouTube : https://www.youtube.com/user/PriMayyBlog
不正妹愛犬 Facebook - 
紳士魔※MoagUs : https://www.facebook.com/gentlemoagus


熱門文章