不正妹的正生活: Staycation

顯示具有 Staycation 標籤的文章。顯示所有文章

2020年12月3日星期四

［歪妹本地遊］＊～每年一次的親子旅遊泡湯了>>Staycation @ L' Hotel Nina～＊

話說重陽假期後，原來是學校的教師發展日，一連三天是學校假期！😭 連埋打風及星期六日差不多成個星期假期！我呢個阿媽真係發覺得太遲，要做的功課都已經同Gaga做唒，又要諗下有咩搞作了！小件爸爸這個星期都收夜🙈 即係食飯娛樂不用預他！疫情底下大住個肚真係獨自帶Gaga去郊遊有難度，其他朋友如常返工返學，天氣又唔好，keep住落雨可以做啲咩呢？Gaga應該悶到發慌，前兩日執屋搵返上年喺鹿兒島買返黎的浴球，佢不斷話要開黎浸浴缸，so我就上網search下有咩平酒店住返晚。最後近近地book咗荃灣如心住返晚，順便清下Expedia啲積分。我下午三點幾訂，五點幾去check-in，無人排隊咁制，本來我訂海景低層，最後酒店upgrade咗我哋去高層海景！不過check-out時間仍舊是中午12點正。

我哋入住房間是4223，嗰View都望到藍巴勒海峽，不過不是對正，前面還是有私樓遮住。一入到房其實感覺一般，好大原因是因為成間房無一盞燈著，電源位已經插咗卡，我要摸黑慢慢搵返啲燈制逐個開燈！😦 對於一個大肚婆來説，要拎住袋行李又拖住個囡確實有點不便。最重要是啲燈可能是LED燈的關係？開了燈制還是好暗，要待一段時間等它們慢慢變亮，今日天氣又差，就算有幾大塊玻璃都無用，一自然光也沒有！我見Gaga同我都無話特別唔舒服嘅感覺，咁就放低行李settle down啦！

說真的跟我預期有點出入，雖然upgrade咗高層，但是view無咁正，個洗手間係好大，但感覺用料一般，白磚牆身加灰磚地，就算用上貴妃浴缸還是末有一種酒店氣派感覺。我上IG睇應該唔同房用料裝修都有唔同的，以我觀察我住呢層應該係有長期住客租住的，因為見佢地食完的東西都放在門口，住電梯時見街坊帶朋友上房參觀食糖水。

休息一陣，我們就去海之戀嗰邊食Dinner，荃灣好多食市真係好多選擇。我哋選擇了WM cafe & Bar，不過落雨坐室內，order了一個手撕雞漢堡，同埋焗三文魚卷！估唔到咁好食，Gaga食咗好多！大家捧住個肚走！😂 之後去Taste買枝滴露同雪糕就上返酒店！

Gaga入到房第一時間梗係食雪糕，我就快快手消毒咗個浴缸先！😌 之後就開始我們的親子浸浴！Gaga勁開心！浸到唔捨得瞓覺豬！😂 搞到成11點幾先上床同小件爸爸視像，之後就一覺瞓天光！

不過第朝七點幾就醒，仲堅決唔肯離開酒店房，最後我哋就叫Room Service早餐上房食。餐廳要求佢哋送餐時我哋俾現金，而不是check-out時一次過計埋消費找數。早餐質素都唔錯，居高臨下望住個view 食早餐係幾有feel嘅，雖然係酒店房內呼吸唔到新鮮空氣，但感覺好心曠神怡。

食飽飽當然爭取時間影多啲靚相，忘記帶自拍棍🤳🏻好辛苦先影到幾張靚相打下卡！😭就係咁同Gaga住咗晚酒店，扮自己去緊旅行！😆 懷緬下兩母女嘅親子旅遊！依家我孕期37週了，BB出世後應該忙到攰到一個點，又坐月各樣⋯⋯到時無可能同Gaga周圍去啦！近呢兩個星期趁仲有精力，盡量陪多啲佢出去走走啦！🥰 見到我IG STORY分享了不少聖誕打卡熱點吧! 現在BB隨時出來要閉關了！希望未來仲可以爭取更多時間同大家分享生活點滴，記得Like我Facebook同IG啦! 疫情底下大家要繼續高度注意衛生小心身體啊!

評分表：5 💜 最高

交通 💜💜💜 💜 💜

衛生 💜💜💜💜

裝潢 💜💜💜

景觀 💜💜💜

服務 💜💜💜💜

房間設備 💜💜💜

公用設施 💜💜💜

不正妹 Email: primayy.blogger@gmail.com
不正妹 Facebook : https://www.facebook.com/primaonlife
不正妹 IG : http://instagram.com/primaonlife
不正妹 YouTube : https://www.youtube.com/user/PriMayyBlog
不正妹愛犬 Facebook - 紳士魔※MoagUs : https://www.facebook.com/gentlemoagu

2020年7月22日星期三

[歪妹本地遊] ＊~ 婆婆生日 #Staycation @ Disneyland Hotel ~＊

預訂過程 - 熱線真的等得太耐，是疫情下人手不足的關係嗎？

七月頭Gaga婆婆生日，我哋同佢住咗一晚迪士尼酒店，等佢可以放鬆抖返下。見呢排做緊港人春日優惠，我哋又末入住過呢間酒店，近近地就揀咗佢啦！

我係經佢哋官網訂的，本身想打去hotline訂，可以問清楚啲優惠詳情同生日安排，點知條線等極都無人接！

上圖：泳池景

下圖：停車場景

房間環境：
因為本身我係迪士尼奇妙處處通金卡會員，所以房間有得upgrade到豪華客房，我哋入到房見對泳池景，好大個落地窗同露台，感覺好舒服！

但係張雙人床好細，兩個大人一齊瞓應該唔太舒服，所以我哋出返去要求換房。好彩同grade唔駛加錢仲有一個房型可以選擇，不過係對停車塲個邊，但係兩張King Size喎！所以決定轉過去夜晚可以瞓得舒服啲！

但係晚上周不時都會聽到些排氣聲，有點像以前舊式酒店夜晚放香薰嗎？

上圖: 這是露台房間的雙人床
下圖: 這是對著停車場房間的雙人床
看床頭燈的差距就看得出床的闊度差幾多呢!!!!

生日安排：原來在餐廳用膳可以Free一個生日蛋糕俾我地，但我地無預訂到，加上疫情下一定要兩天前ORDER，所以享用不了這個優惠。不過基本生日禮物還是有的，是手巾仔蛋糕及生日卡。另外，前台也為我們在房間安排了一個生日甜品，晚上我們可以在房間內慶祝吹下生日蠟燭。總算有點氣氛！本身預訂房間時可以另外加錢去裝飾生日主題房間，不過我們就沒有特別request啦！

:P 每次有人生日，Gaga都好像慶祝自已生日咁！

用膳方面：
其實迪士尼渡假村內都幾多餐廳選擇，晚上哋就選擇了晶荷軒食生日晚飯，一直想試嘅餐廳，食物質素不在話下，服務員態度真係值得一讚！好細心同令到我哋好賓至如歸嘅感覺！

🏻 我哋散叫做埋優惠埋單千二蚊左右！有機會會再黎光顧。

早餐在翠樂庭食，環境好像後花園的設計，感覺同樣舒服。

因為我們join的住宿計劃只包二人早餐，
所以另外二人要額外再Order早餐。
金卡在手，今次在迪士尼餐飲消費都有七五折。^^

今次係疫情底下黎個 #Staycation情況如何呢?

說真的每次入住迪士尼的酒店都趕頭趕命，根本住一晚的話你無可能參與到佢啲活動。首先，check-in時間下午三時，check-out時間上午十一時，基本上到埗放低行李游個水就沖涼食飯，瞓醒早仲可以游多次水先食早餐拜拜。話就話明可以享用埋其餘兩間酒店嘅設施，不過對於想RELAX慢活一下的我地確實有點難度，除非住夠兩晚啦！

如果唔係都幾難了~