[歪妹愛美麗] 這樣門面的美容公司, 你夠膽入去嗎??

相信各位都周不時會收到不同美容公司,
打來以優惠價甚至免費試做的電話,
大家會點樣應對呢??

今次打來的PR很NICE,還是免費試做, 之後要幫忙做問卷,
作為他們的REFERNCE, 所以就應承他們去看看

前一天已經打來REMIND, 當天又打來問我去到邊
一個打完黎又第個打黎..又係無溝通個D...
唉..本來在路上, 已經唔想去了...
去到樓下...我望下D宣傳牌同水牌...
宣傳牌搵唔到呢間野...再望水牌...
下?? 只有 N D 兩個字...咩公司...

 

之後上到去...一出車立左手邊就係..
但係我卻步了...個門口本身係玻璃門..
但係貼滿哂宣傳Product的單張,
完全望不到入面是什麼環境...
而且沒有公司名show出來...
好恐怖....入左去都唔知出唔出得返出黎..
你係入面做咩都無人知...
所以我決定唔做...選擇離開..
好彩晚上他們沒有打來追問我了...



可是...剛才我收到那個PR的電話,
問我上去做成點, 有無好好招待我..
我說其實我無去到, 佢又叫我幾時方便再上去
我話都係唔需要啦..我想解釋點解唔想去時,
佢竟然回我一句 " 咁你又BOOK?"
然後就CUT左我線...
救命...呢D就係MARKETING??
Nuderma美容中心, 呢間野我上網搵過, 無佢地資料....
我見有空檔所以先PROMISE上去見識下
hard sell 預左...最驚係佢整衰我塊面..
見到佢d門面我已經無信心...
sorry...不能係我令到個PR定係SALES無左bonus啦..
所以佢咁燥...但係呢件事更加令我肯定
自動送上門的電話試用, 而且未聽過佢個名的,
都係唔好so佢地啦..無謂waste大家時間...

各位都要小心小心!!!

不正妹PriMa Email: primayy.blogger@gmail.com