[歪妹愛旅行] Hea @ Hua Hin 2011 前言 : 負能量太大, 所以決定出走! 點知...破大財!!!>< 好肉痛呀!

話說不正妹轉左職之後, 工作壓力太大, 勁辛苦兼無奈之際,
咁岩妹妹又跟我一樣情緒好Down...就係個一輪對答我地就無啦啦上左飛機!
日子: 2011-09-10 (中秋節第一天假期)
時間: 早上十點幾 (剛剛起床)
事發經過...
我 : 唉... 好辛苦...好想去旅行抖下...妹 : 真係架?? 我好想離開香港..靜下...我 : 我都想...妹 : 真架? 不於飛啦! 就今晚飛啦!我 : 你講堅架? 邊book得切呀? 咩preparation都無...妹 : 咁快d起身搵資料啦!!我 : 下?!

就係咁...賴床的我被妹妹催迫起身, 然後就上網搵下飛邊鼠好~
假期不長, 只可以選擇東南亞地區啦! 泰國自然變成首選!Bangkok去過兩次了, 不想再去, 最後決定清邁或者華欣...
搵相熟的Agent報完價, 要4點前confirm機票, 但酒店好像不太岩...
最後我地決定上網自已訂! 最後我是在Agoda book了一間villa~
先俾相你地睇!! 我相信各位應該跟我反應是一樣的!太美了!! 爽歪歪! 完全切合今次我們散心relax之旅!

 

首先, 這是到埗第一間villa, 暫時給我們休息罷了!
因為我們想要那幢villa還未check out呢!
不過我已經啞口了! 因為我沒法想像, 我們兩個女仔如何住在這裡!!
這裡有4間villa的, 格局大致類同!!
這裡竟然有3間房間! 1個sitting room! 1個書房! 1個泳池! 一個open kitchen & dining room!
房間裡是有獨立toilet, 近海那間還要有按摩浴池!! 我暈啦!!! 我終於明白為何那麼貴了...

其實我成程飛機...應該話由我pay左錢到去到泰國機場...
個心都係"那"住痛!! 因為實在貴得好恐怖...恐怖到我咁大個女無諗過自已會洗錢洗成咁...
實在太驚訂了機票, 但book唔到resort住..
因為我一向去旅行都做足準備個隻, 唔會好似呢次咁一話飛就飛左去,
太緊張之際, 無計清楚條數我就online pay左錢...我計漏了1晚價錢呀....my god!!!

現在終於真相大白了....這間resort以一晚價錢計算,
我覺得唔算貴.... 如果你一大班fd黎玩, 大家share的話...
但以家得我地兩姊妹... 確實大一制...
我晚上都不敢獨自走出去kitchen開雪櫃呢!
一向愛睇鬼怪野的我...開始胡思亂想...會不會有水怪捉我們?
得我地兩個女仔..4幢villa得我地入住, 好靜...靜得好恐怖..
會唔會有男人發現我地..夜麻麻監視我地架..
呀....好危險呀..........點算...我係家姐..我要照顧好妹妹架..
開始有壓力添...我是來relax的!! 咩事先?!

這是教訓嗎??? 不過想說, 這次旅行我體會很多,
因為所有事情都是預料之外, 完全無準備!
感覺更新奇了! 原來這樣去旅行是多麼有趣的!忐忑不安的心情原來可以好high...哈哈!!
呀....大家想看我們book了那間villa嗎???
hee....更美麗的啊!!! 但現在太累了!
留待下篇文章裡跟大家分享啦!!希望你們繼續支持不正妹的遊記!!

 

With Love,

＊不正妹＊ＰｒｉＭａ＊