事實想慢慢寫，可以慢慢回味。。。
好啦！餘下DAY5&DAY6的遊記將會完成，太多相要整理，
今天先跟大家分享Day5遊記啦!
我們的自拍婚照將會曝光啦!!!
今日我地好早起身啦! 因為要遠征啊!
相信很多朋友仔都會聽聞過南怡島，這裡是韓國人放假都會來的地方!
今天我們就帶著腳架來南怡島啦! 主要目的是來自拍一些照片，放在婚禮上作Decoration!
我地早到連吃早餐的時間也沒有，就在便利店買點吃的就搭車啦！
轉車途中在月台上吃過第一餐嘍！
車一走等成20-30mins才有車....
在車上，發現有一位大叔不斷推銷手中的產品－好像是舒緩疲勞個d萬用貼來~!
疑問....是合法推銷嗎? 他都幾招搖下， 推哂車仔， 而且不少中年人都好留心去聽，
真係有人幫襯架喎!
我地到了加平火車站，就轉搭觀光巴士去南怡島碼頭，
但可怕的事情發生了，車到了一個不知名的景點，
車上除了司機還有一名導遊，她說我們需要在這裡下車，
1小時後會回來接我們，也沒辦法，我們就在這個陌生的地方下車了！
很可怕...一個人影都沒有啊!!!!!!!!!!!
隨心走走，原來這裡叫做海龜島，第一次聽聞呢！
發現這裡原來是一個wild camp營地，見到一pair情侶在午睡中!
oh!!! 大家有看韓綜藝"我們結婚了"嗎? 想起將軍(章宇)啊! ^v^
他也常常帶著恩靜去camp啊！
大家見到這個東西立即要瞓上去，在韓劇中常常見到他們會在這裡吃飯及乘涼！
因為要逗留1小時，而且這裡連吃食店也沒有，
所以無聊的我們就影下相留念啦！
話明海龜島，當然要同隻海龜影下相啦！
昨日下完大雨，今天天氣得好，天空特別藍，很美！
這個地方有些少像我在京都遇見過的。。。
臨走前，我們在馬路上等車扮 Beatles..... help~~太不自然了!
浪費了1個小時的時間，我們終於來到南怡島碼頭啦！
但還未能上船住，因為要醫飽個肚先！非常肚餓啊！
朋友說來到這頭，一定要試春川辣雞，
這裡有幾間都是吃辣雞的，我們就求其選擇了一間光顧。
menu全是韓文，沒有英文也沒漢字，
最後以有限認識的單字去點菜，好彩來到也沒有奇怪的東西！
好大鍋啊～甜辣辣！不錯～～～
hee.....跟春川辣雞來個合照吧!!!
享用完我們的午餐，真的要開始真正的旅程啦！
我一直都知道係搭船去南怡島架!!
不過， 臨出發前發現...原來有Skyrider可以過去喎!
真的多得利特同埋姜素拉..hee...
因為睇"我們結婚了"時，他們就係搭skyrider去南怡島!
所以大家一致決定坐skyrider過去!
除左肥仔! 因為佢堅畏高...呵呵...
所以我地就送佢去搭船先啦! :>
對岸見啦肥仔!!!!
然後我地幾個就懷住興奮的心情衝去買飛上skyrider啦!
不過，要排隊，半小時後才到我們，
我們又影下相，hea下咁啦~
然後我地幾個就懷住興奮的心情衝去買飛上skyrider啦!
不過，要排隊，半小時後才到我們，
我們又影下相，hea下咁啦~
其實我自已都有d畏高架，之前玩跳樓機發現的，
不過，趁後生咩都試下嘛！搭車立上去時，心情好興奮呢！
上到去，微風加陽光好舒服啊！
不安心情全消!!
每次坐兩個人過去，當然係獨立一個seat啦!
工作人員會將你d袋都扣得好穩鎮，check清楚安全先會推你出去架！
haa.... 之前一直擔心的問題都弄明白了，好像也沒什麼憂累啦！
My turn啦! 興奮興奮！！！
認真的，全程沒有離心，比想像中坐得舒服，
望落去好似好遠咁，其實好快就到南怡島啦！
滑翔過程中，都夠時間四處望下欣賞下南怡島的風景！
haa.....我地降落的相不是skyrider提供的，
是我醒目的豬豬一早過到去就搵個靚位捕定我地，
辛苦哂肥仔啦！因為佢起碼等左我地成個鐘呢！
個度仲要無遮無掩，好鬼曬架！真係抵錫！hee...
知道我一落rider見到咩呀??
咪就係佢o羅!! 可愛得黎又好恐怖，我其實唔夠膽行得太埋..
佢咁敏捷，我怕佢會跑上我個身度呢....((想得太多...哈哈!!))
行返出去碼頭位置有個洗手間，快快手換左件淘寶婚紗出黎，
朋友仔求其幫我紮起個頭就開始搵景影相啦！！！
報時：已經係4點幾啦.....
help!!!! 無咩時間啦.. 仲諗住去埋小王子.. 幻滅....><"
肥仔set緊機時，不忘又搵手機影下~
當然我地又自拍下。。。
你估我地係度做咩？！
好白痴。。。。影完自已係度笑。。。好得無聊呀你地！
其實想影個LOVE字...不過, 唔多似....HA....
開始要入戲啦!!! 我兩位好朋友真係變左阿豬媽呢!
係咁幫我地執頭執尾，條裙要擺靚Ｄ～
扶我又坐又起身。。。真係辛苦大家啦！！
唔單止我，仲有肥仔都照顧周到，佢小腿發達唔係第一次領交，
今天又要麻煩兩位BABY幫手幫佢褶褲腳~
當然唔係只有我跟肥仔影相啦!
我地都影左不少合照架! 一班Friend影相真係樂趣會多d，
pose又會變化多d架!!! haa.....
好彩有腳架同remote，我地先可以一齊影咁多相相咋！^v^
ha...以下落黎呢兩張相，靈感來自＂瑪利外宿中＂！
"貝多芬病毒"！oh！離不開張根碩！haa....
因為時間太緊迫，唔夠時間再行入d搵多d景影相，太可惜了！
今次出巡影得幾張見得下人的相片咋！
不過，過程足以令我印象難忘呢！
好好玩啊～～～
咁就跟大家分享些自拍婚照吧！
我跟肥仔顯醜啦！非專業攝影師＋非專業執相師出動啦！
第一個景係一片草地跟一堆樹，大家都唔係好識擺pose，
如果著住韓服會襯d o羅!係咪呢?!
我地9月去.. 真係咩景都無..櫻花又無.. 楓葉紅葉又無....雪地又無....
只好後期加工，懶係有d紅葉咁....懶係秋天的感覺~
ha...真係只有肥仔頂得住我無理頭的pose，係佢先補捉得到架咋！
kaaa.............
呢張有點vintage feel嗎??
呢排樹點少得呢!! 無係度影過相，唔好同人講有黎過南怡島！
低炒可以有幾瘦呀。。。
將就下啦~~唔通成日都係個個高度個個角度咩...
okay okay.... 腳架辛苦你啦.....
呢張唔係腳架影啦! 係肥仔親自幫我影的! 我很喜歡啊! ^v^
差唔多6點鐘啦! 唔知尾班船幾多啦!
個心都好驚今晚要留係呢度過夜，所以出返去碼頭個邊睇下咩環境先！
就係碼頭附近再影多幾張，原來碼頭右邊都有排樹架!
仲有ｄ寫住韓文的指示牌，不能錯過跟它來個合照，證明這裡是韓國啊！
跟朋友再影下相～好多謝你地陪我黎影相啊！^v^
臨上船前，來多張淘氣的！
我跟肥仔事實成日都係咁。。。懶得理你的樣子～
上船啦！！係呀！婚紗都未除呀！
因為怕趕不及，所以過返對面岸先換衫啦！
辛苦肥仔今日不斷set腳架不斷set機影相，
雖說自拍，但各人都非常忙碌呢！
跟baby們也來多張吧! 其實全程因為有wifi egg，
所以我地facebook同instagram不斷update我地的韓國行程!
手機不離手，朋友們你們就羨慕我們一次咁多？！
一年一次的慶典～哈哈！！！
換完衫，我們寧願多給的士錢，一程過回加平火車站啦！
回程途中，看著朋友們睡得天昏地暗，心有點痛呢！
好朋友，謝謝你們啊！感動呢！
返到明洞都成9點幾啦! 大家求其搵間食步隊鍋海鮮鍋的食店就坐低啦!
又是不斷加料，1小時狂食! 飽飽呢! 不過，一點也不滿足！
因為我心目中的步隊鍋不是這個味道。這間麻麻地。。連店名也累到記不下來啦！
吃過後，大家都很累了，逛了一會就拜拜lu!
今次我跟肥仔不在新沙洞地鐵站行回酒店，
反而選擇了狎鷗亨地鐵站行返去，其實兩邊距離好像差不多！
不過原來這邊沿路行返酒店，全是外科整形醫院／診所！
大家知道韓星申世京嗎？
前兩天在化妝室才遇上真人，我還讚她自然美，
豈料原來也是後天加工的。。。
原本真的一點也不美呢！
韓國的整形技術果然係世界級啊！
好啦！Day5的行程就到這裡完結啦!
今天應該係韓國咁多日裡最攰個一日啦!
Day6是last一day了! 我會重遊愛情鎖(南山塔), 跟肥仔影多幾張相,
同埋最後衝刺at明洞!
wow! 韓國遊記接近尾聲啦!!! 我又有想飛的感覺了!
每次遊記的完結，就是籌備下一次旅行的時候啦！
希望大家喜歡我的分享！繼續留意我的更新啦!
很多很多想分享，打完遊記，仲有結婚的東西分享，
fashion跟skincare的分享，等我啦！^v^
Korea Pre-Wedding Trip - Day 1 : 江南區-試婚紗,新沙洞林蔭大道,Black Smith~ http://www.theztyle.com/home.php?mod=space&uid=25007&do=blog&id=192807
Korea Pre-Wedding Trip - Day 2 : Ergo coffee+弘大3D博物館-Trickeye+姜東虎燒肉店-白丁
http://www.theztyle.com/home.php?mod=space&uid=25007&do=blog&id=192940
http://www.theztyle.com/home.php?mod=space&uid=25007&do=blog&id=192940
Korea Pre-Wedding Trip - Day 3 : 早餐-Coffee What's Up+影婚紗相+Dinner-烈鳳燉雞http://www.theztyle.com/home.php?mod=space&uid=25007&do=blog&id=193781
Korea Pre-Wedding Trip - Day 4 : Fresh Urban+廣藏市場+BeansBins+LotteMarket+Benniganshttp://www.theztyle.com/home.php?mod=space&uid=25007&do=blog&id=194063
With Love,
＊不正妹＊ＰｒｉＭａｙｙ＊
Email: primayy.blogger@gmail.com
不正妹 Facebook www.facebook.com/BloggerPriMaK
不正妹 Weibo http://www.weibo.com/primayy
不正妹 Twitter http://twitter.com/PriMayy
不正妹 Facebook www.facebook.com/BloggerPriMaK
不正妹 Weibo http://www.weibo.com/primayy
不正妹 Twitter http://twitter.com/PriMayy
沒有留言:
張貼留言