[歪妹愛美麗］分享我的美睫孖寶: Gi & Gary Eyelashes + DUO Adhesive

大家好呀!!! 不正妹近來忙於Prepare Honeymoon，
睡眠時間起碼少了3個小時，day day睡眠不足中....
疲態加上無咩化妝，雙眼更顯無神呢~
連同身處海外的朋友視像時，都睇得出我狀態甚差！
有咩法寶呢？其實好簡單就係裝下假狗囉！
其實平時不正妹好少會痴假眼睫毛架！
除非有function或者放假心情靚就會痴下囉! 呵....
以前好抗拒痴眼睫毛，原因太誇張！
肥仔成日話痴左假眼睫毛就等同生了一對蜈蚣眼！
雖然佢把口咁講，佢咪又係不斷望住人地對蜈蚣眼....
真係望落靚靚又精靈d嘛!
前幾年終於學職左痴假眼睫毛，其實真的一點也不難！
嘗握到一些技巧再加痴得多就自然好快手令雙眼靚靚啦！





今次我跟大家示範一下，順便介紹一下我用的美睫孖寶！
首先假眼睫毛牌子叫 " Gi & Gary"，
這個牌子是我妹妹推薦給我的，很多模特兒朋友及化妝師都推介它啊！
而假眼睫毛需要配合膠水使用，而我就收到PR寄給我的這一支DUO啦!
很多外國Blogger都極力推介它! 終於可以親身試下啦!

唔講咁多啦! 立即開始~~ Let's go~~~

其實"Gi & Gary"的假眼睫毛有很多款式架! 今次我用的就是這個 "Barbie Doll 甜心寶貝" 啦!
算是比較自然的款式!

一盒共有十對，黑色長方形的盒子，睫毛整齊排列著！
盒的背面清楚列明配戴方法，有助睫毛新手帶上睫毛。

這個款式的睫毛不算濃密，就是有些少交叉重疊著，但每根都很分明的。
睫毛較幼身，主骨幹亦比較幼身及柔軟，輕易便能揉鬆至你想要的孤度。

因為每人的眼睛大小及孤度也不相同，所以睫毛長度都預長了！
痴上眼之前需要量度一下，剪裁出適合自已眼型的長度！
應該怎樣去量度剪裁呢？
以我自已的經驗，因為我是內雙眼皮，我不能夠痴得太近眼頭，
會感到刺眼不舒服，所以一般我會空著眼頭位置1/3不痴假眼睫毛的！
量度好就把假眼睫毛頭尾剪走，逐一修剪到適合自已雙眼長度為止啦！

適合自已的假睫毛ready啦! 係時候用膠水痴上眼啦!
這個白色底藍色字包裝的DUO，唧出來的膠水是白色，乾透後是透明啦！
DUO亦有另外一個包裝是紅色字的，那個唧出來是黑色膠來，
兩者皆是防水的！而我喜愛用開白色膠的！

第一下唧出來通常都比較多，所以我會用棉花棒拿走多出的，
盡量以適當分量去搽上眼睫毛的主骨幹上。
其實輕輕搽一層，然後頭尾比較多塗少少，待它20-30秒左右，
看乾透程度啦！才好放上自已的真睫毛上。
太乾又痴不上，太濕又會令睫毛沾了膠水，所以這個時間要拿得好好。

首先貼近真睫毛，先將假睫毛放近眼球那邊，然後把眼尾部份也痴上去！
然後逐PART來回按推入去，好讓睫毛痴實眼皮上。
待一會其實不消一分鐘已經可以眨眼了！
不過，有個不足之處就是我眼頭前1/3沒有痴上假眼睫毛，
望上去會好奇怪不好看，所以我會把眼線畫多次，畫返粗少少！
然後再補上EYE SHADOW，那就會自然多啦！
而我一向都有搽Mascara於下睫毛，所以我也會塗少少，望落會更精靈d！

話咁快就完成美睫程序！可以精靈見人啦！^v^
大家不喜歡太長的話，也可以修剪假睫毛的伸廷長度架！
而且睫毛的彎度可以用手掃掃，掃出自已喜愛的，兩邊平衡就可以啦！

不正妹一向都覺得雙眼好重要，第一眼就是望人隻眼先！
而我本身真睫毛都比較短，所以假眼睫毛就可以彌補我這方面的不足啦！
痴慣左共實戴假眼睫毛仲快過搽Mascara同夾夾架!～～

今次第一次用DUO，膠水都算幾快乾~
痴上眼後HOLD到成日都無甩到呀! 堅呀~
滅甩假睫毛時，好輕易就撕下啦! 膠水都無起到一舊舊！NICE!
值得推介呀~~

好啦！今次分享到呢度，遲d再傾過啦! ^3^

With Love,＊不正妹＊ＰｒｉＭａｙｙ＊

Email: primayy.blogger@gmail.com
不正妹 Facebook www.facebook.com/BloggerPriMaK
不正妹 Weibo http://www.weibo.com/primayy
不正妹 Twitter http://twitter.com/PriMayy