[歪妹愛旅行] 八女搗亂首爾之旅-Day5 : 衰尾尾?! 超級無助, 奔波勞碌, 成身濕哂..D人情味唔見哂

Day 5 ….. (希望大家有心機睇落去..文字多, 沒圖片)

 

今天是最後一天了… 因為實在太怱忙, 要最後秒殺, 所以沒有影相啦~今天可以訓晏少少~因為約了Ronny去明洞樂天百貨,全因為”雪花秀”! 我們自行上網d/l了coupon,有九折,而Ronny係member, 有九五折, 所以就叫佢幫忙啦~咁樣計就等同我地退稅後的價錢~
12pm度攪掂, 我地再戰skin care啦~離開時好肚餓, 所以就係街邊吃了個年糕跟壽司卷~
D年糕堅係硬…V.V…一D都唔好食呀!!!
因為前個幾日夜晚都試左新買的product,
睇下邊隻好用再入多d貨, 今天的目的!
亦因為shopping時間不夠, 我地係明洞要睇衫呀!!
不過都係無收獲.. 因為實在貴..
之後lunch求其搵間食..第一次食唔哂.. 第一次感到想嘔..
又係個隻色.. 又係年糕...

Po Chu面青口唇白, 好唔舒服, 問店鋪佢地又無藥,
出去便利店買又無.. 最終打的返S.A. Seoul,好彩佢地有藥!
食完又去toilet屙就俾佢恰陣啦...
3點幾就起行去機場啦!!
個半鐘頭終於黎到機場, 真係多謝Max的幫忙..
確實幾辛苦, 8個女仔, 每人一個行李箱, 仲要2-3袋handcarry
好呢hea....
入到機場, 將今天的戰利品塞返入gip先,
點知發現阿po仲未歸隊, 搵左好耐先搵到佢
原來佢一落車就眼花勁暈...搵左個位坐左好耐先起得身
我地買左杯熱飲俾佢, 但係都唔得...
佢情況急轉直下, 諗住同佢去medical room,
點知搵到人問.. 但就無人幫,
我地4個女仔扶住佢去搵..行到中途佢唔掂..話想嘔,
但係腳軟到行唔到, 佢攬住我企係度抖左陣,
個刻我只聞到濃烈的嘔吐味..唔得啦..
分頭行事, 2個babe去搵輪椅,
我先帶佢去洗手間, 點知勁full, 最終入左殘廁,
聽住佢係入面又屙又嘔, 來回左3次...
問左佢意見, 佢決定stay多晚seoul, 好d先返香港
知佢細妹咁岩同佢男友黎左seoul玩, 遲我地一日走,
我立即call佢地黎機場接佢走!
之後我就快速奔返上去check in counter拎返佢d行李落medical room

但係...其實呢個過程中我總共來回走了4次了...我真係好攰..點解?
首先, 扶佢去廁所, 發現借輪椅要俾護照登記.. 走了一次
第2次,, 決定stay, 我要上返去counter拎佢d行李落medical room第3次...佢唔肯俾佢上床位睇佢..因為要俾左錢先..我又走左轉拎錢..
第4次..諗住走得..點知中途發現我同Po Chu件褸掉轉左..又走多轉...
help!!!!!!!!! 點解我地幾個女仔係機場不斷ask help
不斷run.....都無人理我地.. 點解無相關人員協助?
仲要國泰d staff勁驚我地上唔切飛機, 係咁叫我地好入閘..
我朋友有事...都要安頓好佢先架...
聽聞佢地真係話飛就飛.. 唔會等人...
唉.........真係無助呀.....我跑到成身臭哂...咁上飛機...
真係第一次早到機場但係都要咁趕...
不過不幸中之大幸係咁岩佢妹妹係seoul如果唔係, 我要陪住佢stay 多晚...
我地張ticket無得改期架... Po Chu翌日再去機場買飛
好彩有...但係單程一張返香港, 睇左3間航空公司都係3千幾...
好金呀!!!!!!!
唉.. 真係唔好意思..麻煩到咁多位babe幫忙
醫生話Po Chu應該係腸胃炎呀..佢話朝早d年糕成舊完整屙返出黎..
今次旅行真係夠哂難忘...夠哂不一樣....

有點想講...* 機場d staff 英文仲屎過係市區個nurse完全表達唔到, 又唔識講英文...激死...
how come 有d 學識的人都唔識...
係機場做事唔係應該都會識d英文咩..o哂嘴..
d 保安同police都好nice解答.. 但就係無人落手幫我地..
第2樣o哂嘴.............

呢次經歷..真係...學到啦..
如果你係韓國機場遇到不適, 應如何處理?!無論怎樣情急之下, 還請務必當中的一人要有護照及cash/credit card!如果唔係... 就會好似我地咁奔波啦.....
真係好金架...check-in 係最高個層, medical room係最底層最入的地置...
相隔三層...攞你命三千.....
五天行程完結了!! 多謝大家收看!!雖然這天發生了這些事情, 但絕對沒有令我對韓國卻步!
我一定再會踏足這片土地的!! ^v^

 

....................................
星期五朝早我會飛去越南...遲d再同大家分享遊記..
今次呢個行程只想了大綱...資料極度不足..
但係無咩時間去預備...而且係韓國返黎之後..
身邊都發生了很多不幸的事情...我d負能量多到滿瀉..
我好需要休息...可能有d唔係發生係我身上..
但係...好想喊...我捱不住..病倒了...
d壓力又返返黎啦....我要去釋放下先得啦...
祝福我吧...一切會好的...
.....................................

 

不正妹PriMa Email: primayy.blogger@gmail.com

 

[歪妹愛旅行] 八女搗亂首爾之旅-Day4 : 感受藝術x本地人情味, 追蹤"瑪利外宿中", 深夜的Surprise Birthday Party!

今天有很多好重要的地方要去, 好怕唔夠時間~
仲有好重要的事情要做, 將會無聲無息下安排進行!
所以仍然不讓自已懶惰, 仍然堅持8點半要出門口!
我地第一站係去大學路! 一個充滿藝術文化氣息的地方!

 

 

但是可能太早了, 條街好冷清啊! 想找吃的也沒有什麼店開門
最終我們找到一間coffe shop, my favourite! 

 

終於可以好hea咁享受一天早餐啦!! hee....
款式不太多, 我們share吃也足夠的~
一頓醒神的早餐是幾咁重要!!

 

 

 

10點幾出返去, 多左好多人啦~
發現這裡的店鋪大多都是11am才開門的!
我們行經地鐵站口, 有一班男仔在派傳單,
有一個男仔走過來, 跟我們聊天, 原來他是北京人來的
來韓國進修, 為這裡的劇社工作~
他們很好客, 教我們去目的地~感動呢!
臨走前跟他們來個合照留念一下吧!

 

 

 

穿過公園, 看見一群小朋友在公園玩耍呢! 很不可愛啊!

 

 

 

穿過一些小路.. 長樓梯..斜路...開始有些sign出現..hee...

 

這是police station啊!!



這條路徑有很多壁畫的啊~~我們逐一找出來..
可惜應該還有一幅的, 我們找不到呢!
我很喜歡這裡啊~~我們好像在影劇照呢!
hee~~~~





























沿著斜路出返去, 路過見到一班鄉親父老聚在一起,




不知道發生咩事...好奇的我就走埋去8卦啦~
類似是什麼慶祝的節目吧~
我看劇日日劇"全部我的愛"時, 都有見過這個玩意呢!
難得可以見識下, 當然拿起相機影幾張啦!
怎料.... 有個大叔走出來拉著我入去,
真的不好意思, 而且我們都在趕路中的呢~
就勉為其難入去見識下啦~
阿豬媽超好客, 整左好多地道野食俾我地食







仲有個大叔不斷同我地介紹是什麼, 又問我地好無味
仲叫個後生仔同我地傾計,
最後, 仲有幾個著西裝o既男人行埋黎派卡片添!
嘩嘩嘩嘩嘩!!!!!!!!!!!!!!!!!!!!!!
呆左.......v.v.....CEO呀!!!





呢樣都唔算...之後一路行返出去地鐵站時.
發現呢區大部份的建設都係由佢個集團起架!
好大呀間公司.....真係估唔到....





佢地好NICE, 完全無架子, 仲同我地一齊影相添...
真係好有人情味~~~跟團根本無可能睇到咁多, 識到咁多~
我真係覺得今次旅行去得好有價值的~

佢地熱情的招待真的令我好感動!




韓國都有流浪者


結了冰的小溪
點幾啦! 我地約左其餘兩位BABE係新村等~今日吃八爪魚鍋呢!
真係幾辣.. 不過好好味... 停唔到口..
不過真係太飽啦..食唔落..但佢地用飯炒埋d汁俾我地食~
我地都全部食得哂~HAA...











想睇相嗎?



之後重要的時刻到啦!!! 我地會轉戰弘大呀!









全因為根碩呀!! 我地要找尋"瑪利外宿中"影劇照的塗鴉場呀!仲有個間COFFEE SHOP呀!!
我地初時行錯路, 因為佢係D小路入面的,但最終都俾我地搵到..










但係.. 勁多車泊左係度..WUWU... 我地好難得先搵到一幅無車...






我地差D都影唔到.. 因為有車想泊係個度, 可能堅我地立即好失望的樣子吧
佢地就再駛前D先泊, 太感謝啦!!!
我地無帶腳架.. 但係剛好對面BUILDING有條短樓梯,
所以就係個度SET時間拍啦~ HEE... 影出黎好靚啊~~





之後沿路走返出去, 先發現原來COFFEE SHOP就係小路旁咋~
我地當然不放過啦~~又影啦~ 呵..呵.....
願望達成了!! 好開心啊~~~








之後就係度SHOPPING 1小時就轉戰梨大啦~
途中買donut同埋車仔檔食..有d hungry啦..





不過... 後悔.. 之前係弘大睇中件衫無買到..
原來已經唔算貴架啦.. wuwu...
因為買唔到野.. 我係度點都要買返件~
所以我買左件冷衫... 佢話只係韓國有架咋~
sales佢咁講我咁聽啦~唔理啦.. 貴d都買左佢先..
都要三舊水港紙的冷衫...但係買到野個心舒服返d~



haa~~~ 說真的, 係好多衫.. 有d係好平..
但係quality就係花園街女人街的貨色..
咁不於我係香港買到得啦.. 所以見到岩貴少少都要買左佢~
經驗之談~下次識得點action啦!!

 

下一站...東大門! 好明顯係為了睇衫而來啦~

 

 

 

24小時門門的店鋪... 不過先去食野先~
求其搵間吃燒肉的... 入面有一位阿豬媽又係識國語~
真係溝通不成問題喎~好多地方都有人識國語呢!
呢度d豬好好味呀~~但係其他野就麻麻..
而且呢間相比第一日食個間真係差一大截呢!
好多油...><12點食完就出去shopping啦!

不過可能太攰啦.. 而且睇黎睇去..好多間d價錢都幾貴..
可能知我地遊客啦.. 同佢地講價都講唔到心目中的價錢,
所以好難買野呀.. 失望....我又見到之前係梨大見到的星星衫呢~
之前見到58,000won, 呢度佢自動減價35,000won~
講到想走之際, 佢話30,000won~好殺佢~

 

好過咩都買唔到...就係咁.. 呢程韓國之旅, 我只買了兩年冷衫...
不滿足.. 可能時間不足夠啦.. 人又攰啦.. 影響了..
夜晚截的士勁困難.. 真係同人鬥爭車...
好彩當地人都很好.. 禮讓了我們.. 感謝哂~~~

晚上, 我們的深夜suprise如期舉行~
因為就黎係細I生日呀! 所以我地同佢吹蠟燭呢!
其實去樂天MARKET個日已經秘密進行中,
去了買CAKE啦~買了CANDLE啦~HEE...
壽星女完全無察覺得到, 我地感到自豪~
最重要係勁易感動的她.. 真的流淚了~HAA..傻豬黎架~

臨尾一晚的晚上為我們韓國之旅再加添難忘的回憶!
各位BABE!!! 很高興大家聚在一起!!! 你們都很棒~
去旅行可以加深彼此的了解, 基本上大家都無吵鬧~
絕對是很好的TRAVEL PARTNER!! 好期待下次的旅程! ^V^
Day 5 是最後一天啦.... 跟你們說... 好驚險好勞動..
絕對不是每個人都能經歷到的... 完全感受到無助..
期待吧!!! 等等我啊~~ 我百分百想跟大家分享這次經驗,
可作借鑒... <待續>

 

不正妹PriMa Email: primayy.blogger@gmail.com