[Event] PrettyMedical - 踢走毛孔, 永別斑長, 零暇體驗分享會

好高興參與了是次Ztyle x Pretty Medical的體驗活動!
今天是大家的大日子啊!!
大家聚首一堂, 分享大家的感想及成果! 



可能大家呢一個月裡, 都看了不少blogger的分享!
亦知道今天將會遇到誰呢! 等左一個月, 終於有機會見見大家嘍!!
好開心呀!!! 大家都認出我嗎?! haa....
我竟然跟YoYo, Jo姐, 同埋阿Da坐埋一席呢!!
呵呵....好有緣啊!!! 不過, 我地發現個camera man係咁低炒我地..
help!!! 大會影d相會唔會影到大家好肥呢?!




最開心的high tea... 不過我是second round先出黎講感受,
令到我有點緊張, 不夠膽食...要講完先放心食哂佢! 呵呵....
當然, 除了blogger出黎講野, 主辦單位Sydney同代言人裕美都有出黎分享啦!
最令我估不到的是... 原來裕美之前失蹤了是因為患了抑鬱症,
作為artist真係好多不如意, 好多被迫的情況, 真是身不由已,
聽到我眼濕濕...其實她人真的很nice啊!!!我很認同她們所說的"相由心生"!
除了外表的美, 還要有內在美才是真正的美!



真的很感謝Pretty Medical, 這次分享會很有意義!
除了跟其他blogger聚一聚, 分享大家的成果, 了解大家的想法!
這次的見證真的很感人....真的感受到"HEART"的存在!
她們所有員工都很friendly, 很helpful! 完全不會計較,
在PB裡你會找到其他Beauty group難找到的"團結"!
真的很難得啊!!!!!!!!!!



最後, 還有禮物收呢!! hee....
收到時, 很窩心... 是Sydney跟Livvy親筆寫的感謝詞,
就是這些細微的, 令你覺得她們不單單只為做生意而工作!
真的由心而發的去幫助別人!



我一直認為自已皮膚很差, 自信心也是由化妝後才增加,
一直想素顏出街都不敢, 現在我終於有這個信心了!
我想繼續擁有健康的肌膚, 我要清左我d dirty野, 去下角質,
所以我約了下星期上去試做她們的藥水facial啊!
果酸... 以前都有接觸過, 做完紅到爆.. 說真的, 我還有陰影..
不過, 我想相信她們一次.. 試下吧! 可能現在的我真的合適啦..
遲些再跟大家分享吧!!!

Pretty Medicalhttp://www.prettymedical.com.hk/med_index.php
地址: 灣仔太原街8號海源中心2樓
Cheers!!
WITH LOVE,
＊不正妹＊ＰｒｉＭａｙｙ＊



相關文章: PrettyMedical 1st C6 - 為了靚靚, 決定做一個月花面貓!
http://www.theztyle.com/blog/space.php?uid=25007&do=blog&id=101192

PrettyMedical 3rd C6 - 花面貓中期進度報告http://www.theztyle.com/blog/space.php?uid=25007&do=blog&id=103159

PrettyMedical C6 Final - 拜拜花面貓! 素顏貓出動啦!http://www.theztyle.com/blog/space.php?uid=25007&do=blog&id=106386

[歪妹愛美麗] PrettyMedical C6 Final - 拜拜花面貓! 素顏貓出動啦!

又係時候交代下不正妹花面貓進度啦!!!

4th C6 ...最令我擔心的一次...因為我打完敷埋Mask走時仲流緊血...
今次明顯大力左呢....好痛呢....><
Livvy suggest我用邊D skincare岩我呢!!
我需要解決左我d酒脂粒先得呢...



how about 5th C6?? 最後一次啦!!
我諗住得返一個星期, 應該唔會打得好勁O卦...點知...有點嚇親...
好擔心唔夠時間散啊....><



最唔開心係...我額頭爆左粒暗瘡呢!!
不正妹呢排轉左新post, 成日都要加班, 因為要2個星期PICK哂D野,
整頓好等assistant返工時要systematic咁train佢!
d野又多又煩又亂...真係好waste 時間去攪掂佢..
自已又係有要求的人, 自然有壓力...訓得唔好...

到左今日..我要上去Pretty Medical影相, 哈! 療程後的檢討及紀錄!
最唔想發生o既事終究發生左....我爆了兩粒大瘡...
好唔開心啊!!! 之前都keep到...無瘡..d 皮膚白滑左..
毛孔都細了些少! 疣同墨激走了是最明顯的, 淺色了很多!!
在這五次C6後有著明顯的改善, 確實令我很滿意!!
這兩粒瘡確實令我氣憤! 好生唔生以家先黎生...真是美中不足呢!
給大家看看療程前後的對比照吧!!
是否如我所說? 白左! 乾淨哂呢??



不過, 經過這次療程後, 我最大轉變就是....
對我影響好大....就係我有自信素顏出街!
甚至素顏影相啦!! 呵.....雖然唔係話靚到"嘩"一聲!
但起碼我接受到只搽防曬就出街街....
係療程其間, 我係飲食方面都有注意, 真係無食牛肉!
盡量依足佢戒條, 要靚唔係只係靠儀囂就得o既!
要內外兼備才可以~~~

真係好多謝Ztyle & Pretty Medical給予是次機會我,
令我重拾遺失的自信!!!

Sydney的advise真的很誠懇! 有點令我非常認同的!
著重提供成效治本的療程! 令我對美容院有返些少信心..
因為以往我的經歷就是一join了就會得到得過且過的服務...

仲有Maybo的跟進真的很貼心, 不會令人覺得機械化,
今天在洗手間撞到她, 她第一時間就認出我,
還跟我傾談了一會!! 很nice呢!!

最後, 當然是親自主理我塊面o既Livvy啦!!
好多謝她這5次的用心, 建議及關心!
令我療程中更加了解, 更加有信心!
為大家送上素顏照一張!! 今天去影藍精靈啊!!



明天就是分享會啦!! 每位blogger都要上台講3mins!
一上台講野有點不安呢..面對很多人說話..
Sydney話從心發就可以啦! 不一定要3mins的!
我應該無時間寫貓紙呢!! 希望明天不會太失禮啦!!
期待跟其他blogger見面, 會認得出大家嗎??
明天High Tea見嘍!!! ^v^
 



WITH LOVE
＊不正妹＊ＰｒｉＭａｙｙ＊

想了解什麼是C6? 來這裡吧!!!Pretty Medicalhttp://www.prettymedical.com.hk/med_index.php
地址: 灣仔太原街8號海源中心2樓



相關文章: PrettyMedical 1st C6 - 為了靚靚, 決定做一個月花面貓!
http://www.theztyle.com/blog/space.php?uid=25007&do=blog&id=101192

PrettyMedical 3rd C6 - 花面貓中期進度報告http://www.theztyle.com/blog/space.php?uid=25007&do=blog&id=103159

[歪妹愛美麗]PrettyMedical 3rd C6 - 花面貓中期進度報告

上星期六不正妹上去Pretty Medical做第3次C6呀!!
係時候update下大家進度如何啦!!!

1st C6 @ 20110615Day 1 Pass : 印好勁好深色...完全接受不了...初時想唔make up, 但忍唔住要遮住佢地啦...
好乾...乾到我有d驚啦...放工忍不住要出去買返d 保濕產品返黎旁身啦!!



Day 2 Pass : 明顯結焦了! 好痕呀! 有少少甩皮! 我忍唔住搽了那個防敏藥膏!
今天開始無化妝啦!!! 隨身帶備保濕item, 一乾一痕就急救皮膚...
Mable今天有打來慰問我呀!!haa...她叫我敷冰啦!! 舒服好多喎!!



Day 3 Pass : Keep住甩皮, 大致沒有前2天那麼辛苦, 唯獨眼對下位置仲係痛
Day 4 Pass : 終於舒服好多啦!! 面仔都無之前咁紅了!
2nd C6 @ 20110620今次我FEEL到力度少許加強了, 而且美容師Lizzy手勢好快,
 可是出來效果比我想像中好啊!
沒有過份花面貓呢!!! 唔知好事定壞事呢????!!!



做完就係起砂, 眼對落好明顯啊!!!
不過之後幾天都沒有什麼特別不適啦!
不知道是否適應了嗎??
還是我真的比以往勤力得很, 每天保濕程序沒有半點馬虎?哈...
所以我都開始化返妝呢...呵....近排愛上了YSL的foundation啊!!
夠哂我保濕, 還有些少閃閃~~hee...唯遮暇度不高~



3rd C6 @ 20110620



今次要預早15mins上到去,仲要帶備USB手指上去啊!
因為今天會影相, 睇下做完兩次效果如何!
仲會將Skin Test跟今次影的相, 作compare圖給我們!



首先是Maybo幫我影相, 然後Livvy跟Sydney都入埋黎呀!
Sydney望望我情況, 問我覺得有咩改善到, ha..其實我知道係好左..
但係唔知點深入講呀! 當時太突然, 唔係好識答添..haa!!
不過我d墨同埋疣的位置真的好明顯淡了呢!!
比大家看看前後的相片啊!!! ^v^





Sydney話我面上最大的問題就是太多一點點啦,
做完兩次之後, 已很明顯有改善,
而且暗啞面色完全遠離我~說我進度非常好呢!!其實我自已都開始有信心, 之前確實第一次接觸有點怕,
而且做完之後, 又多印又紅又痕又痛...真係好擔心的
依家情況良好....安心很多!!! 係d印多左..希望快d淡哂啦!

然後我就跟Tizzy入房進行我們第3次親密啦!!
今次會著重打眼對下的位置, 因為較多斑出沒啦...但係Tivvy話我d skin今日唔聽話, 打極都唔爆...起唔到紗..
所以加強了..打多幾下....我忍呀!!!!!!!!!
之後當然一如以往要敷返cool down mask啦!
不過今次我係做paper呀!! 之前我係做倒模的~


好啦!!! 忍痛過後...發現都不算好花面貓...
相比第一次, 我覺得唔錯架啦!!!!!!!　


當天未做前及做完C6後的相片~~



做完走人, 我個肚打鼓得好勢利, 所以就去醫肚先啦!!
我以前係灣仔讀書架...早餐最喜歡去"金鳳"買菠蘿包加凍奶茶!
好掛住....所以黎左金鳳食個TEA先返屋企啦!!
這裡雖然人多要排隊, 但是還是有那份親切感存在住,
哥哥仔都仲係好幽默..HEE...
"到啦!! 凍鴦走糖!"... 我初時呆一呆...忍唔住笑左..HAA!
我仲叫左EGG TART同埋雞PIE呀! 呵...




灣仔真係一個充滿回憶的地方....我好喜歡這個小區! ^V^
不正妹仲有兩次C6要做架! 7月11號會係最後一次!
到時我再跟大家Update分享下呀!!!
祝我快d靚靚啦!!With Love,
＊不正妹＊ＰｒｉＭａ＊

相關文章:
PrettyMedical 1st C6 - 為了靚靚, 決定做一個月花面貓!
http://www.theztyle.com/blog/space.php?uid=25007&do=blog&id=101192

[不正妹愛美麗] PrettyMedical 1st C6 - 為了靚靚, 決定做一個月花面貓!

瘦身之後另一大Project就係要做一個月"花面貓"啦!!第一次咁大勇氣去接受呢個機會!
之前都見不少blogger做過LAZER, 有D仲會塊面流哂血返黎...
其實都好怕自已都會咁...但係又好想根治面上的問題..
在矛盾的情況下, 上星期五上了Pretty Medical做皮膚分析!

 

我是平日放工趕過去的, 約了七點鐘, 剛好準時到!
上到去首先讓我入更衣室裡頭自行卸妝,
因我只是搽了base, 所以用卸妝水抺下就okey啦!
這裡的backup都很齊備啊!!
除了skin care, 還有hair spray跟con case添!
做完facial想執下樣出街街都無問題!
 

 

之後就坐係休息室填form, 這裡的裝潢都很泰式呢!
茶几上還放置了生果, 有香蕉跟車厘茄,
另外還有梳打餅跟花茶啊!!
最有趣是香薰可以自已選擇什麼香味!

等了十分鐘左右, 有同事帶我入consult room啦!

首先多角度影了幾張相, 然後有一位著醫身袍的女士幫我看皮膚!
我最大的問題都是暗粒及暗瘡印比較多,
其次就是我面上有很多疣...><
之後就是交談一下, 對是次療程了解有多深!
確保我們清楚知道療程會帶來什麼反應等,
那就可以離開啦!! 前後只是用了15分鐘左右!

臨走時,發現這裡都有很多美國醫學護膚產品發售!有我喜愛的防曬ELTA添呀!! 本身想買多支41度, 點知無哂貨..OH....
 

事隔幾天罷了, 已經收到Pretty Medical的來電,
通知我已被選中試做五次C6機!
而且即時幫我預約翌日晚上上去第一次試做!
BOOK了8點半, 準時上到去換了拖鞋,放袋入Locker,
去下洗手間, 還有5分鐘可以周圍影下相!

帶了我入房洗面, 之後等了十分鐘, 美容師就來帶我去另一間光猛的房間!
看清楚我的皮膚後, 就講解一下有什麼問題, 主要針對什麼來做療程,
整個流程是怎樣..etc!
 

以我的case, 我暗粒比較多, 因為我皮膚dirty, 引致毛孔粗大,
斑反而不算多, 我以為面上多斑, 原來大部份都是疣來啊!!help!!!
一生開就孖住係咁生..仲愈來愈大粒呀!!
美容師說順便幫我電走佢, 太好了!!感動的!!

美容師知道我是第一次做, 她很好呀!
不斷跟我作心理輔導呢!
說就像橡筋彈的感覺, 是痛的!盡量忍忍, 倘若真的受不了就出聲, 不要亂動,
怕會射錯位啊!不斷跟自已說"先苦後甜" 同埋"我要靚"!!!

兩張都是打完右邊面影下來的!我其實都幾怕痛的,
幸好美容師不斷說話, 令我分散一下注意力!

她先幫我做了右邊面, 給我作一個比較!
應該都做了15-20分鐘左右吧!!
感覺近眼及嘴的位置比較痛啦! 不過我還是忍受過來啊!!
叻女!! hee.......望落去, 都無咩事呀! 少少收緊了!少少紅!
然之後就做左邊面啦!! 我很多問題都是出現在這邊面!
而且美容師沒有之前那麼慢, 她彈面的速度快了,
感覺痛過右邊面啊!!! 有時她自已都覺得我痛, 搵隻手掃下我塊面!
佢仲問我除了眉毛, 仲有無邊d毛需要留低, 我眉下好多小毛毛,
佢都幫我射左佢呢!! 如果佢唔會再生就好了...好煩的修眉...

 

lazer完了, 下一個step就是電走d疣啦!!!
第一次做...我覺得痛過lazer呀! 好似俾蛇咬呀!!
hey! 我知你們心裡有個疑問, 不正妹俾蛇咬過??
非也!! 我自已覺得俾蛇咬應該係呢個感覺罷了!
好似有條叉脷瓜落黎咁呀!!
我左邊面有成幾粒孖住生埋一齊, 電完之後我感覺我好似曬傷左的感覺!
塊面好慶同埋好似腫左咁....
美容師即時搽左d cool down gel上塊面, 呢個係最舒服,
之後再放埋倒模, 不過d水唔夠凍啦! 放上面好快就乾左添!
好dry咁.....

(呢part唔記得叫佢幫我影相添!)

整個過程都有講解做完療程返去有什麼要注意,
只要著重保濕就好了, 什麼美白緊緻的都要skip一排啦!
臨走前, 還給了我防敏膏跟暗瘡膏, 附上注意事項表一份,
以避有過敏反應時可即時控制!

還要預約之後四次療程的時間, 她說療程比較急,
下個月中就是分享會, 所以會加強進度, 但亦會視乎情況而定!
務度令blogger有所改善, 才能夠跟大家分享更多!
 

當然我也有疑問, 會否欲速之不達?
她解釋其實要看每次的反應去決定強度,
流血與否是視乎美容師的分析及儀器配合!結果也是因人而異, 所以大家都是以花面貓的心態去迎接療程會較好!
當然這只是我個人的認為啦... 希望我好快可以有靚靚肌膚啦!

 

這是我剛做完在changing room拍的相片
 

 

這是我回家後拍的照片, 可能是光暗問題,
回到家總覺得面上的"花面貓"狀況嚴重很多..><

有起沙的情況出現了, 我即晚已經做保濕mask啦!
敷完只有一點流血罷了!
 

跟我聯系的Mable今天都有打來問候下我,
看我有無異樣~說一般療程做到中段就會有明顯的改善,
所以第3次試做時, 才會再拍照留record, 到時我會帶埋手指上去d/l返d相,
作出中途試用感跟大家分享一下! 希望進度如我所願啦!!
勇敢的第一次, 能夠換來相對的成果嗎???兩個星期後再看看啦!!! ^v^

 

With Love,
＊不正妹＊ＰｒｉＭａ＊